ബ്ലാക്ക് ബേണിൽ താമസിച്ചിരുന്ന മെയ്മോൾ മാത്യു ബ്ലാക്ക് ബേൺ ആശുപത്രിയിൽ വച്ച് നിര്യാതയായി. മരിച്ച മെയ്മോൾ കോട്ടയം പുന്നത്തറ സ്വദേശിയാണ്. പുന്നത്തറ നിലയം തോട്ടത്തിൽ കുടുംബാംഗമാണ് മെയ്മോൾ. ബ്ലാക്ക് ബേൺ ആശുപത്രിയിൽ നഴ്‌സായി ജോലി ചെയ്തുവരികയായിരുന്നു. വ്യാഴാഴ്ച ശാരീരിക ബുദ്ധിമുട്ടുകൾ അനുഭവപ്പെട്ടതിനെ തുടർന്ന് ആശുപത്രിയിലേക്ക് കൊണ്ടു പോകുകയായിരുന്നു. ഇതേതുടർന്ന് അടിയന്തര ചികിത്സയ്ക്കുശേഷം മടക്കി അയക്കുകയുണ്ടായി. എന്നാൽ വെള്ളിയാഴ്ച വീണ്ടും അഡ്മിറ്റ് ചെയ്യുകയായിരുന്നു. സെപ്റ്റിസിമിയ ആണെന്ന് കരുതപ്പെടുന്നു എങ്കിലും കാരണം അവ്യക്തമായി തന്നെ തുടരുകയാണ്. ലോകമെമ്പാടും കൊറോണ പടരുന്ന സാഹചര്യത്തിൽ സംശയത്തെ തുടർന്ന് നടത്തിയ ടെസ്റ്റിൽ മൂന്നു സ്വാബും നെഗറ്റീവ് ആണ്.

അതേസമയം തോൾ സംബന്ധമായ ഒരു ഓപ്പറേഷന് ശേഷം ഡിസ്ചാർജ് ചെയ്ത വീട്ടിൽ എത്തിയ മെയ്‌മോൾക്ക് അസ്വസ്ഥത അനുഭവപ്പെത്തതിനെ തുടർന്ന് കഴിഞ്ഞ വ്യാഴാഴ്ച തിരിച്ച് ആശുപത്രിയിൽ എത്തുകയായിരുന്നു. ആരോഗ്യനില വഷളായതിനെ തുടർന്ന് വെള്ളിയാഴ്ച വെന്റിലേറ്ററിലേക്ക് മാറ്റുകയും ചെയ്തു. എന്നാൽ എല്ലാവരുടെയും പ്രതീക്ഷകളും പ്രാർത്ഥനകളും നിഷ്‌ഫലമാക്കി മെയ്മോൾ മരണത്തിന് കീഴടങ്ങുകകയായിരുന്നു. ഇതുവരെയും എന്താണ് സംഭവിച്ചത് എന്ന കാര്യത്തിൽ വ്യക്തത കൈവരിച്ചിട്ടുമില്ല. എന്നതിനാൽ തന്നെ കാരണം അവ്യക്തമായ മരണത്തിൽ കുഴങ്ങിയിരിക്കുകയാണ് കുടുംബാംഗങ്ങളും ബന്ധുക്കളും.

അതോടൊപ്പം തന്നെ സ്ഥിരീകരിക്കാത്ത റിപോർട്ട് പ്രകാരം പോസ്റ്റ്ഓപ്പറേഷൻ ഇൻഫെക്ഷൻ ആകാനാണ് സാധ്യത എന്നാണ് പറയപ്പെടുന്നത്. മൂന്ന് സ്വാബ് ഉൾപ്പടെ കൊറോണ ടെസ്റ്റ് നടത്തിയെങ്കിലും ടെസ്റ്റ് നെഗറ്റീവ് ആയിരുന്നു എന്നും കണ്ടെത്തുകയുണ്ടായി. ഇതിനാൽ തന്നെയാണ് കാരണം അവ്യക്തമായി തന്നെ തുടരുന്നത്. പരേതയായ മെയ്‌മോൾക്ക് രണ്ട് സഹോദരന്മാരാണ് ഉള്ളത്. യുകെയിലെ ഹാഡേഴ്‌സ്‌ഫീൽഡിൽ താമസിക്കുന്ന ബിബിയും ഒപ്പം മറ്റൊരു സഹോദരൻ ആയ ലൂക്കാച്ചൻ അമേരിക്കയിലുമാണ് ഉള്ളത്. മൃതദേഹം ബ്ലാക്ക്ബേൺ ആശുപത്രിയിൽ സൂക്ഷിച്ചിരിക്കുകയാണ്.