സൂപ്പര് സ്പ്രെഡ് ഭീകരാവസ്ഥ! പ്രവാസികള്ക്ക് പരിശോധന നിര്ബന്ധമാക്കിയതിന് പിന്നില്...
പ്രവാസികള്ക്ക് പരിശോധന നിര്ബന്ധമാക്കിയതിന് പിന്നില് സൂപ്പര് സ്പ്രെഡ് എന്ന ഭീകരാവസ്ഥയും. ഒരാളില്നിന്ന് നിരവധി പേരിലേക്ക് രോഗം പകരുന്ന സൂപ്പര് സ്പ്രെഡ് എന്ന ഭീകരാവസ്ഥയുണ്ടാകാന് സാദ്ധ്യതയുണ്ടെന്ന നിഗമനത്തിലാണ് പ്രവാസികള്ക്ക് വിമാനയാത്രക്ക് മുന്പ് സ്ക്രീനിംഗ് നിര്ബന്ധമാക്കിയതെന്ന് മുഖ്യമന്ത്രി പിണറായി വിജയന്.
നിലവിലെ സാഹചര്യത്തില് പ്രൈമറി കോണ്ടാക്ട് വഴി കൂടുതല് മരണങ്ങളുണ്ടാകുന്നുണ്ടെന്നും സൂപ്പര് സ്പ്രെഡിന് വിമാനയാത്രകള് കാരണമാകുന്നു എന്ന് പഠനങ്ങള് ചൂണ്ടിക്കാണിച്ചിട്ടുണ്ടെന്നും മുഖ്യമന്ത്രി പറഞ്ഞു. ഈ കാരണങ്ങള് കൂടി കണക്കിലെടുത്താണ് വിദേശരാജ്യങ്ങളില് നിന്നുള്ള വിമാനയാത്രകള്ക്ക് മുമ്ബായി സ്ക്രീനിംഗ് നിര്ബന്ധമാക്കേണ്ടതുണ്ട് എന്ന് തീരുമാനിച്ചതെന്നും മുഖ്യമന്ത്രി വ്യക്തമാക്കി.
കാര്യക്ഷമമായി സ്ക്രീനിംഗ് നടത്താനുള്ള സൗകര്യങ്ങളൊരുക്കി യാത്ര തടയാതെയും നീട്ടിവെപ്പിക്കാതെയും നാട്ടിലെത്തിക്കാനാണ് സര്ക്കാര് തുടക്കം മുതല് ശ്രമിച്ചതെന്നും അതെങ്ങനെ സാധ്യമാകും എന്ന് പരിശോധിക്കുന്നതിന്റെ ഭാഗമായി കേന്ദ്ര സര്ക്കാരുമായും എംബസികളുമായും ബന്ധപ്പെട്ടിരുന്നുവെന്നും മുഖ്യമന്ത്രി കൂട്ടിച്ചേര്ത്തു.
പ്രവാസികളുടെ മടക്കയാത്രക്ക് പുതിയ മാര്ഗനിര്ദേശങ്ങള് പുറപ്പെടുവിച്ചു. കോവിഡ് പരിശോധന സൗകര്യമുള്ള രാജ്യങ്ങളില്നിന്നും എത്തുന്ന പ്രവാസികള്ക്ക് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയെന്നും മുഖ്യമന്ത്രി വ്യക്തമാക്കി.
എല്ലാ യാത്രക്കാരും കൊവിഡ് 19 ജാഗ്രതാ സൈറ്റില് രജിസ്റ്റര് ചെയ്ത് വിവരം നല്കണം. എത്തിച്ചേരുന്ന വിമാനത്താവളത്തില് സംസ്ഥാന ആരോഗ്യ വിഭാഗത്തിന്റെ പ്രോട്ടോക്കോള് അനുസരിച്ചുള്ള സ്ക്രീനിങ്ങിന് എല്ലാവരും വിധേയരാകണം. രോഗലക്ഷണമുള്ളവരെ മാറ്റിനിര്ത്തുകയും കൂടുതല് പരിശോധനക്കായിആശുപത്രിയിലേക്കു മാറ്റുകയും ചെയ്യും.
വിദേശത്ത് ടെസ്റ്റിന് വിധേയമാവാത്ത എല്ലാ യാത്രക്കാരും അവര്ക്ക് രോഗലക്ഷണമില്ലെങ്കില് കൂടി വിമാനത്താവളത്തില് എത്തുമ്ബോള് റാപ്പിഡ് ആന്റിബോഡി ടെസ്റ്റിന് വിധേയമാവണം. ടെസ്റ്റില് പോസിറ്റീവാകുന്നവര് ആര്ടിപിസിആര് അല്ലെങ്കില് ജീന് എക്സ്പ്രസ് അല്ലെങ്കില് ട്രൂനാറ്റ് ടെസ്റ്റിന് വിധേയമാവണം. ടെസ്റ്റ് ഫലം എന്തായാലും 14 ദിവസം നിര്ബന്ധിത ക്വാറന്റീന് പോവണം. എല്ലാ രാജ്യങ്ങളില് നിന്നും വരുന്നവര് എന്95 മാസ്ക്, ഫെയ്സ് ഷീല്ഡ്, കയ്യുറ എന്നിവ ധരിക്കണം. കൈകള് അണുവിമുക്തമാണെന്ന് ഉറപ്പാക്കാന് ഇടക്കിടെ സാനിറ്റൈസര് ഉപയോഗിക്കണം.
ഖത്വറില് നിന്നുവരുന്നവര് ആ രാജ്യത്തിന്റെ എത്തറാസ് എന്ന മൊബൈല് ആപ്പില് ഗ്രീന് സ്റ്റാറ്റസ് ഉള്ളവരാവണം. ഇവിടെയെത്തുമ്ബോള് കോവിഡ് ടെസ്റ്റിന് വിധേയമാവണം. യുഎഇയില് നിന്ന് വരുന്നവര്ക്ക് കൊവിഡ് സര്ട്ടിഫിക്കറ്റ് നിര്ബന്ധമാണ്. കാരണം രാജ്യത്തിനു പുറത്തേക്ക് വിമാനമാര്ഗ്ഗം പുറത്തേക്ക് പോകുന്ന എല്ലാവരേയും യുഎഇ ആന്റിബോഡി ടെസ്റ്റിന് വിധേയമാക്കുന്നുണ്ട്. ഒമാന്, ബഹ്റിന് രാജ്യങ്ങളില് നിന്നെത്തുന്നവര് എന്95 മാസ്ക്, ഫെയ്സ് ഷീല്ഡ്, കയ്യുറ എന്നിവ ധരിക്കണം. ഒപ്പം സാനിറ്റൈസറും കരുതണം.
സൗദിയില്നിന്ന്വരുന്നവര് എന്95 മാസ്ക്,ഫെയ്സ് ഷീല്ഡ്, കയ്യുറ എന്നിവ ധരിച്ചാല് മാത്രം പോര അവര് പി പി ഇ കിറ്റുംധരിച്ചിരിക്കണം. കുവൈത്തില് നിന്ന്പരിശോധന നടത്താതെ വരുന്നവരും പിപിഇ കിറ്റ് ധരിച്ചിരിക്കണം. വിമാനത്താവളത്തിലെത്തിയാല് ഇരു രാജ്യങ്ങളിലുള്ളവരും കൊവിഡ് ടെസ്റ്റിന് വിധേയമാവണം. ആരോഗ്യ വിഭാഗം അനുവദിച്ച ശേഷമേ അവര് വിമാനത്താവളങ്ങളില് നിന്ന് പുറത്തു കടക്കാവൂ എന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
