ടെസ്റ്റ് സൗകര്യമുള്ള രാജ്യങ്ങളില് നിന്ന് വരുന്നവര് ടെസ്റ്റ് നടത്തണം; വിദേശത്ത് ടെസ്റ്റിന് വിധേയമാകാത്ത എല്ലാ യാത്രക്കാരും, അവര്ക്ക് രോഗലക്ഷണം ഇല്ലെങ്കിലും വിമാനത്താവളത്തില് റാപ്പിഡ് ആന്റിബോഡി ടെസ്റ്റിന് വിധേയരാകണം
വിദേശത്തുനിന്ന് പ്രവാസികളുടെ മടങ്ങി വരവ് സംബന്ധിച്ച് കോവിഡ് ടെസ്റ്റ്, സുരക്ഷാ സംവിധാനങ്ങള് എന്നിവ അടിസ്ഥാനപ്പെടുത്തിയുള്ള പുതിയ മാര്ഗനിര്ദേശങ്ങളായി. വിമാനയാത്രക്കാരെ ടെസ്റ്റ് ചെയ്യുന്നതുമായി ബന്ധപ്പെട്ട് വിവിധ രാജ്യങ്ങളിലെ എംബസികളോട് ബന്ധപ്പെട്ടു.തിരികെ വരാന് ആഗ്രഹിക്കുന്ന മുഴുവന് പേരെയും നാട്ടിലെത്തിക്കാന് സര്ക്കാര് പ്രതിജ്ഞാബദ്ധം. ഓരോ ഘട്ടത്തിലും ഇതനുസരിച്ച് നടപടിയെടുത്തു. നാളെ മുതല് സ്വകാര്യ വിമാനങ്ങളും ചാര്ട്ടേര്ഡ് വിമാനങ്ങളും വന്ദേ ഭാരത് വിമാനങ്ങളും വരുമ്ബോള് നടപടിയെടുക്കും.
ടെസ്റ്റ് സൗകര്യമുള്ള രാജ്യങ്ങളില് നിന്ന് വരുന്നവര് ടെസ്റ്റ് നടത്താന് പരമാവധി ശ്രമിക്കണം. 72 മണിക്കൂറായിരിക്കും ഇതിന്റെ സാധുത. എല്ലാ യാത്രക്കാരും കോവിഡ് 19 ജാഗ്രതാ സൈറ്റില് വിവരം രേഖപ്പെടുത്തണം. എത്തുന്ന വിമാനത്താവളത്തില് ആരോഗ്യ വകുപ്പിന്റെ പ്രോട്ടോക്കോള് അനുസരിച്ച് സ്ക്രീനിങിന് വിധേയരാകണം. രോഗലക്ഷണമുള്ളവരെ ആശുപത്രിയിലേക്ക് മാറ്റും. വിദേശത്ത് ടെസ്റ്റിന് വിധേയമാകാത്ത എല്ലാ യാത്രക്കാരും, അവര്ക്ക് രോഗലക്ഷണം ഇല്ലെങ്കിലും വിമാനത്താവളത്തില് റാപ്പിഡ് ആന്റിബോഡി ടെസ്റ്റിന് വിധേയരാകണം.
പോസിറ്റീവാകുന്നവര് കൂടുതല് ടെസ്റ്റിന് വിധേയമാകണം. ടെസ്റ്റ് ഫലം എന്തായാലും യാത്രക്കാര് സര്ക്കാര് നിര്ദ്ദേശ പ്രകാരം 14 ദിവസം ക്വാറന്റീനില് പോകണം. എല്ലാ രാജ്യത്ത് നിന്ന് വരുന്നവരും എന്95 മാസ്ക്, ഫെയ്സ് ഷീല്ഡ്, കയ്യുറ എന്നിവ ധരിക്കണം. കൈകള് അണുവിമുക്തമാക്കാന് സാനിറ്റൈസര് ഇടയ്ക്കിടക്ക് ഉപയോഗിക്കണം. ഖത്തറില് നിന്ന് വരുന്നവര് എഹ്ത്രാസ് ആപ്പില് ഗ്രീന് സ്റ്റാറ്റസുള്ളവരാകണം. ഇവിടെയെത്തിയാല് ടെസ്റ്റിന് വിധേയരാകണം. യുഎഇ എല്ലാ യാത്രക്കാരെയും ആന്റിബോഡി ടെസ്റ്റ് നടത്തുന്നുണ്ട്. ഒമാന്, ബഹ്റിന് എന്നിവിടങ്ങളില് നിന്നെത്തുന്നവര് എന്95 മാസ്ക്, ഫെയ്സ് ഷീല്ഡ്, കയ്യുറ എന്നിവ ധരിക്കണം. സാനിറ്റൈസര് കരുതണം. സൗദിയില് നിന്ന് വരുന്നവര് എന് 95 മാസ്ക്, ഫെയ്സ് ഷീല്ഡ്, കൈയ്യുറ എന്നിവ ധരിക്കുന്നതിന് പുറമെ പിപിഇ കിറ്റും ധരിക്കണം.
കുവൈറ്റില് നിന്ന് ടെസ്റ്റ് ചെയ്യാതെ വരുന്നവരും പിപിഇ കിറ്റ് ധരിക്കണം. വിമാനത്താവളത്തില് എത്തിയാല് കോവിഡ് ടെസ്റ്റിന് വിധേയരാകണം. യാത്രക്കാരുടെ പിപിഇ കിറ്റ്, കയ്യുറ, മാസ്ക് എന്നിവ വിമാനത്താവളത്തില് വച്ച് സുരക്ഷിതമായി നീക്കും. എയര്പോര്ട്ടുകളില് ടെസ്റ്റിന് സൗകര്യം ഒരുക്കും. സര്ക്കാര് നിബന്ധന ലംഘിക്കുന്നവര്ക്കെതിരെ കേസെടുക്കും. ഇക്കാര്യങ്ങള് വിദേശ മന്ത്രാലയത്തെയും എംബസികളെയും അറിയിക്കും. ചാര്ട്ടേഡ് വിമാനങ്ങള്ക്ക് എന്ഒസി നല്കണം. എന്നാല് അപേക്ഷ നല്കുമ്ബോഴുള്ള വിവരങ്ങള് കൃത്യമായി പ്രസിദ്ധീകരിച്ചിട്ടുണ്ട്. സമ്മതപത്രത്തിനുള്ള അപേക്ഷ ഏഴ് ദിവസം മുന്പ് നോര്ക്കയില് ലഭിക്കണം. എല്ലാ വിശദാംശങ്ങളും വെബ്സൈറ്റിലുണ്ട്.
https://www.facebook.com/Malayalivartha
