കുവൈത്തില് കോവിഡ് പ്രതിരോധത്തിനായി ഏര്പ്പെടുത്തിയ നിയന്ത്രണങ്ങള് ലഘൂകരിക്കുന്നതിന്റെ രണ്ടാംഘട്ടം ജൂണ് 30 ചൊവ്വാഴ്ച മുതല് ആരംഭിക്കും... കര്ഫ്യൂ നിയന്ത്രണങ്ങള് ഇങ്ങനെ...
കുവൈത്തില് കോവിഡ് പ്രതിരോധത്തിനായി ഏര്പ്പെടുത്തിയ നിയന്ത്രണങ്ങള് ലഘൂകരിക്കുന്നതിന്റെ രണ്ടാംഘട്ടം ജൂണ് 30 ചൊവ്വാഴ്ച മുതല് ആരംഭിക്കും. കര്ഫ്യൂ സമയം രാത്രി എട്ടുമണി മുതല് രാവിലെ അഞ്ചുമണിവരെയാക്കും. നിലവില് ഏഴുമണി മുതല് അഞ്ചുമണി വരെയാണ്.
സര്ക്കാര് ഓഫിസുകള് പരിമിതമായി പ്രവര്ത്തിച്ചുതുടങ്ങും എന്നതാണ് മറ്റൊരു പ്രധാന മാറ്റം. 30 ശതമാനം ജീവനക്കാരുമായി സര്ക്കാര് ഓഫിസുകള് പ്രവര്ത്തിക്കും. റൊേട്ടഷന് അടിസ്ഥാനത്തിലാവും ജീവനക്കാര്ക്ക് ജോലിക്കെത്താന് നിര്ദേശം നല്കുക. അവന്യൂസ്, മറീന, സൂഖ് ശര്ഖ് തുടങ്ങിയ മാളുകള് 30 ശതമാനം ശേഷിയില് തുറന്നു പ്രവര്ത്തിക്കും.
വ്യാഴാഴ്ച ചേര്ന്ന പ്രത്യേക മന്ത്രിസഭ യോഗമാണ് തീരുമാനമെടുത്തത്. അഞ്ചുഘട്ടങ്ങളിലായി നിയന്ത്രണങ്ങള് ലഘൂകരിച്ച് സാധാരണ ജീവിതത്തിലേക്ക് മടക്കിക്കൊണ്ടുവരാനാണ് തീരുമാനം. മേയ് 31ന് ആരംഭിച്ച ആദ്യഘട്ടം ജൂണ് 21 വരെയാണ് നിശ്ചയിച്ചിരുന്നതെങ്കിലും നേരത്തെ ഇത് നീട്ടുകയായിരുന്നു. വ്യാഴാഴ്ച ചേര്ന്ന മന്ത്രിസഭ യോഗം കോവിഡ് വ്യാപനം അവലോകനം നടത്തി ജൂണ് 30 മുതല് രണ്ടാംഘട്ടത്തിലേക്ക് പ്രവേശിക്കാന് തീരുമാനിച്ചു.
അതേസമയം, ജലീബ് അല് ശുയൂഖ്, മഹബൂല, ഫര്വാനിയ എന്നിവിടങ്ങളിലെ െഎസൊലേഷന് മറ്റൊരു അറിയിപ്പുണ്ടാവുന്നത് വരെ തുടരാന് തീരുമാനിച്ചു. സമീപ ദിവസങ്ങളില് പുതിയ കോവിഡ് കേസുകളിലുണ്ടായ കുറവ് പരിഗണിച്ച് മഹബൂലയില് െഎസൊലേഷന് നീക്കുമെന്ന് പ്രതീക്ഷിച്ചിരുന്നു.
https://www.facebook.com/Malayalivartha