കോവിഡ്​ ബാധിച്ച്​ വിദേശങ്ങളിൽ മരിച്ച മലയാളി പ്രവാസികളു​െട നാട്ടിലെ കുടുംബങ്ങൾക്കായി സഹായ പദ്ധതികൾ പ്രഖ്യാപിക്കണമെന്ന്​​ ആവശ്യപ്പെട്ട്​ സർക്കാറിന്​ നിവേദനം നൽകുമെന്ന്​​ നോർക്ക ഖത്തർ ഡയറക്​ടർ സി.വി. റപ്പായി വ്യക്തമാക്കി. ഇതിനായി ഖത്തറിൽ നിന്ന്​ വിശദമായ നിവേദനം കേരള സർക്കാറിനും കേന്ദ്ര സർക്കാറിനും നൽകുമെന്ന് അദ്ദേഹം വ്യക്തമാക്കി.

മരിച്ച പ്രവാസി മലയാളികളു​െട കുടുംബങ്ങൾക്ക്​ സഹായം നൽകണമെന്ന ആവശ്യമുന്നയിച്ച്​ നേരത്തേ തന്നെ കേരള സർക്കാറുമായി ബന്ധപ്പെട്ടിരുന്നു. എന്നാൽ വിദേശങ്ങളിൽ മരിക്കുന്നവർക്ക്​ സഹായം നൽകുന്നതടക്കം ചെയ്യേണ്ടത്​ കേന്ദ്രസർക്കാറാണ് എന്നാണ്​ അറിയാൻ കഴിഞ്ഞത്​. എങ്കിലും ഇരുസർക്കാറുകൾക്കും നിവേദനം നൽകും. പ്രവാസികൾക്കുള്ള സർക്കാറിൻെറ വിവിധ ക്ഷേമപദ്ധതികൾ മലയാളികൾ വേണ്ടരീതിയിൽ ഉപയോഗപ്പെടുത്തുന്നില്ലെന്നും നോർക്ക കാർഡ്​ പോലും പലരും സ്വന്തമാക്കുന്നില്ലെന്നും അദ്ദേഹം പറഞ്ഞു.

നിലവിൽ കോവിഡിൻെറ പശ്​ ചാത്തലത്തിൽ ഖത്തറിൽ നിന്ന്​ പതിനായിരത്തിലധികം മലയാളികൾ കേരളത്തിലേക്ക്​ മടങ്ങിയെത്തിയിട്ടുണ്ട്​. ജൂൺ 30ഓടെ പതിനായിരത്തിനും പതിനൊന്നായിരത്തിനും ഇടയിൽ മലയാളികൾ ഖത്തറിൽ നിന്ന്​ കേരളത്തിലേക്ക്​ തിരിച്ചെത്തുമെന്നാണ്​ കണക്ക്​. ഇനിയും നിരവധി പേർ മടങ്ങാനിരിക്കുന്നു. എന്നാൽ അടിയന്തരസാഹചര്യത്തിലുള്ളവർ അല്ലാതെ ആരും ഈ പ്രതിസന്ധിയിലും തിരിച്ചുപോകരുതെന്ന്​ അദ്ദേഹം നിർദേശിച്ചു. മാസങ്ങൾക്കുള്ളിൽ തന്നെ ഖത്തറിൽ കാര്യങ്ങളൊക്കെ പൂർവാധികം ഭംഗിയാകും. ബിസിനസ്​ മേഖലയും കൂടുതൽ ശക്​പ്രാപിക്കും. മുൻകാല അനുഭവങ്ങളും ഇതുതന്നെയാണ്​ കാണിക്കുന്നത്​. അതിനാൽ അടിയന്തരസാഹചര്യത്തിലുള്ളവരല്ലാതെ മടങ്ങരുതെന്നാണ്​ പറയാനുള്ളതെന്നും അദ്ദേഹം പറഞ്ഞു.

പ്രവാസികളു​െട മടക്കയാത്ര മുടക്കുന്ന തരത്തിലുള്ള ഒരു നടപടിയും കേരളസർക്കാറി​​െൻറ ഭാഗത്ത്​ നിന്നുണ്ടായിട്ടില്ല. എല്ലാവരുടെയും ആരോഗ്യം പരിഗണിച്ച്​ ചില നിബന്ധനകൾ വച്ചു. അവയാക​ട്ടെ പെ​ട്ടെന്ന്​ നടപ്പാക്കാതെ സമയം നൽകുകയും ചെയ്​തു. പ്രായോഗികമല്ലാത്തവ പിന്നീട്​ പിൻവലിച്ചു. ഇതുവരെ ഒരൊറ്റ വിമാനത്തിനും കേരളം അനുമതി നിഷേധിച്ചിട്ടില്ല. മടങ്ങാൻ ആഗ്രഹിക്കുന്നവരുടെ വിശദവിവരങ്ങൾ കേരളസർക്കാർ നിർദേശപ്രകാരം ​നോർക്ക ശേഖരിച്ചിരുന്നു. മടക്കയാത്രക്കുള്ള വിമാനവുമായി ബന്ധ​െപ്പ​ട്ടോ മറ്റോ അല്ല വിവരങ്ങൾ ശേഖരിക്കുന്നതെന്ന്​ അന്നുതന്നെ നോർക്ക പറഞ്ഞിരുന്നു.

വന്ദേഭാരത്​ മിഷൻ വഴി വിമാനടിക്കറ്റ്​ എടുത്തവർക്ക്​ കൃത്യമായ മാർഗനിർശേദങ്ങൾ കിട്ടാത്തതു​മൂലം നിരവധി പേരു​െട യാ​ത്ര മുടങ്ങിയ സംഭവങ്ങളുണ്ടായിട്ടുണ്ട്​. ഇവർക്ക്​​ പകരമായി എയർഇന്ത്യ മറ്റ്​ യാത്രക്കാരെ കൊണ്ടുപോവുകയും ചെയ്​തു. എന്നാൽ യാത്ര മുടങ്ങിയവർക്ക്​ ടിക്കറ്റിൻെറ പണം തിരിച്ചുനൽകുന്നുമില്ല. ഇത്തരക്കാർക്ക്​ പണം തിരിച്ചുകിട്ടാനായി എയർ ഇന്ത്യയുമായി സാധ്യമാകുന്ന തരത്തിൽ ബന്ധപ്പെടും. ഇക്കാര്യം നേരത്തേ തന്നെ ഇന്ത്യൻ അംബാസഡറുമായി സംസാരിച്ചിരുന്നു. എന്നാൽ ടിക്കറ്റുമായി ബന്ധപ്പെട്ട കാര്യങ്ങൾ തീരുമാനിക്കുന്നത്​ വിമാനകമ്പനികളാണെന്നാണ്​ മറുപടി ലഭിച്ചത്​.

കോവിഡിൻെറ സാഹചര്യത്തിൽ നാട്ടിലെത്തുന്ന മലയാളികളെ അപഹസിക്കുകയും അണുവാഹകർ എന്ന്​ പറഞ്ഞ്​ ചിലയിടങ്ങളിൽ പ്രയാസ​െപ്പടുത്തുകയും ചെയ്യുന്നുണ്ട്​. ഇത്​ സർക്കാറി​​െൻറ ശ്രദ്ധയിൽ പെടുത്തുമെന്നും അദ്ദേഹം പറഞ്ഞു.

നോർക്ക ഹെൽപ് ലൈൻ ചീഫ് കോർഡിനേറ്റർ ജെ.കെ മേനോൻ, കോർഡിനേറ്റർമാരായ ലോകകേരളാ സഭാംഗം എ. സുനിൽകുമാർ, ഐ.സി.ബി.എഫ് പ്രസിഡൻറ്​ പി.എൻ ബാബുരാജൻ, ലോക കേരളാസഭ ക്ഷണിതാവ് അബ്ദുൽ റഊഫ് കൊണ്ടോട്ടി, കൺവീനർ സാബിത് സഹീർ, പ്രമോദ് ചന്ദ്രൻ, അർളയിൽ അഹമ്മദ് കുട്ടി തുടങ്ങിയവർ വാർത്താസമ്മേളനത്തിൽ പ​ങ്കെടുത്തു.