ജിദ്ദയില് ജോലിക്ക് എത്തിയ യുവാവ് കൂടെ താമസിപ്പിച്ചയാളുടെ പാസ്പോര്ട്ട് കവര്ന്ന് മുങ്ങി... പാല് കൊടുത്ത കൈക്കു തന്നെ കൊത്തി മലയാളികളെ പറയിപ്പിക്കാനായിട്ട്.. ഇവന് ചെയ്തത് വല്ലാത്ത ചെയ്തായിപ്പോയി
ലോകത്തെല്ലായിടത്തും മലയാളി സാന്നിധ്യമുണ്ട് എന്നാണ് പറയാറ്..എന്നാല് ഇതാ ലോകമലയാളികളെയാകെ നാണം കെടുത്തിയിരിക്കുന്നു ഒരു മലയാളിയുടെ പ്രവൃത്തി. പാല് കൊടുത്ത കൈക്കു തന്നെ കൊത്തിയിരിക്കുകയാണ് ഒരാള് .ജോലി അന്വേഷിച്ചെത്തിയ മലയാളി യുവാവ് മറ്റൊരു പ്രവാസിയുടെ പണവും പാസ്പോര്ട്ടും കവര്ന്ന് മുങ്ങി. ജിദ്ദയിലെ അല്ജാമിഅയില് കഴിഞ്ഞ ദിവസമാണ് സംഭവം. മലപ്പുറം സ്വദേശിയായ പ്രവാസി നടത്തുന്ന സംരംഭത്തില് ജോലിക്ക് എത്തിയതായിരുന്നു യുവാവ്. അയാള്ക്ക് തന്നോടൊപ്പം തന്നെ താമസ സൗകര്യവും നല്കി. എന്നാല് രണ്ടാം ദിവസം 10,000 റിയാലും പാസ്പോര്ട്ടു കവര്ന്ന് യുവാവ് അവിടെ നിന്നും മുങ്ങുകയായിരുന്നു. പിന്നീട് ഇയാളെ കുറിച്ച് വിവരമൊന്നുമില്ല. മൊബൈല് ഫോണ് ഓഫാക്കിയ നിലയിലാണ്.
ജോലിക്ക് ചേര്ന്ന് ഒരു ദിവസം മാത്രമേ ആയിട്ടുള്ളൂ എന്നതിനാല് ഇഖാമയുടെ കോപ്പിയും മറ്റും വാങ്ങാനും സാധിച്ചിരുന്നില്ല. ഉബൈദ് എന്നാണ് ഈ യുവാവിന്റെ പേരെന്നും മലപ്പുറം ഏ.ആര്. നഗര് യാറത്തുംപടി സ്വദേശിയാണെന്നും പറയപ്പെടുന്നു. യുവാവിന്റെ ഫോട്ടോ ജിദ്ദ പ്രവാസികള്ക്കിടയിലെ സമൂഹ മാധ്യമ ഗ്രൂപ്പുകളില് പ്രചരിക്കുന്നുണ്ട്. സമാന രീതിയില് ഇയാള് മറ്റു പല സ്ഥലങ്ങളിലും ഇതുപോലെ മോഷണം നടത്തിയതായി വിവിധ ആളുകള് സമൂഹ മാധ്യമങ്ങളില് പങ്കുവെക്കുന്നുണ്ട്. യുവാവിനെ എങ്ങനെയെങ്കിലും കണ്ടെത്തി നിയമ നടപടികള് സ്വീകരിക്കാനാണ് പണവും പാസ്പോര്ട്ടും നഷ്ടപ്പെട്ട പ്രവാസിയുടെയും സുഹൃത്തുക്കളുടെയും ശ്രമം.
പത്രങ്ങളിലും സമൂഹ മാധ്യമങ്ങളിലും ജോലിക്ക് ആളെ ആവശ്യമുണ്ടെന്ന പരസ്യം കണ്ട് അതില് നല്കിയിരിക്കുന്ന നമ്പറില് വിളിച്ച് ജോലിക്ക് തയാറാണെന്ന് അറിയിക്കുകയും ജോലി നല്കുന്നവരുടെ പണവും മറ്റു വിലപിടിപ്പുള്ള വസ്തുക്കളും മോഷ്ടിച്ചു മുങ്ങുകയും ചെയ്യുന്ന ചില മലയാളി യുവാക്കളുടെ രീതികളെക്കുറിച്ച് നേരത്തെ മുന്നറിയിപ്പ് നല്കിയിരുന്നു. റൂമില് പുതുതായി താമസിക്കാനെത്തുന്നവരായാലും പുതിയ ജോലിക്കെത്തുന്നവരായാലും അവരില് നിന്നെല്ലാം ഇഖാമ കോപ്പിയും പാസ്പോര്ട്ട് കോപ്പിയും വാങ്ങി സൂക്ഷിക്കേണ്ടത് അനിവാര്യമാണെന്നാണ് ഇത്തരം സംഭവങ്ങള് ഓര്മിപ്പിക്കുന്നത്.
"
https://www.facebook.com/Malayalivartha
