സ്വകാര്യ ആശുപത്രികളില് കോവിഡ് പരിശോധന സൗജന്യം; അബുദാബിയിലെ എല്ലാ സ്വകാര്യ ആശുപത്രികളും കോവിഡ് മുക്തം
അബുദാബിയിലെ എല്ലാ സ്വകാര്യ ആശുപത്രികളും കോവിഡ് മുക്തമായി. വിപിഎസ് ഗ്രൂപ്പിന്റെ 9 ആശുപത്രികള്, എന്എംസി ഗ്രൂപ്പിന്റെ 7 ആശുപത്രികള്, അലൈന് അല് ഖലീജ് ഹോസ്പിറ്റല് തുടങ്ങി ആകെ 17 ആശുപത്രികളില് നിന്ന് അവസാനത്തെ കോവിഡ് രോഗിയും രോഗവിമുക്തി നേടി. ഇതോടെ സ്വകാര്യ ആശുപത്രികള് പൂര്ണമായും കോവിഡ് വിമുക്തമായി എന്ന പ്രഖ്യാപനം ആരോഗ്യ മന്ത്രാലയം നടത്തുകയായിരുന്നു.
കോവിഡ് നിയന്ത്രണവിധേയമാക്കാന് ഊര്ജ്ജിതമായ പ്രവര്ത്തനങ്ങളാണ് അബുദാബി സര്ക്കാരിന്റെ നേതൃത്വത്തില് എമിറേറ്റില് ചെയ്തിരുന്നത്. ശ്വാസതടസ്സവുമായി ബന്ധപ്പെട്ട ചില കേസുകള് മാത്രം അബുദാബി ഷെയ്ഖ് ഖലീഫ മെഡിക്കല് സിറ്റി ആശുപത്രിയിലും, അലൈന് ആശുപത്രിയിലും തുടര് ചികിത്സയ്ക്കായി റഫര് ചെയ്യുകയും ചെയ്തു. സ്വകാര്യ ആരോഗ്യ ശൃംഖലകള് സ്തുത്യര്ഹമായ സേവനമാണ് കോവിഡ് കാലത്ത് സര്ക്കാരിനൊപ്പം ചേര്ന്ന് നടത്തിയത്. കോവിഡ് കാലത്ത് സര്ക്കാറുമായി ഒത്തുചേര്ന്ന് ഈ മഹാമാരിയെ ചെറുക്കുന്ന പ്രവര്ത്തനം നടത്തുന്നതിന് അവസരം ലഭിച്ചതില് അഭിമാനമുണ്ട് എന്നും രാജ്യത്തെ ജനങ്ങള്ക്കു വേണ്ടി സേവന സന്നദ്ധമായി ഇനിയും പ്രവര്ത്തിക്കുമെന്നും വി പി എസ് ഗ്രൂപ്പ് ചെയര്മാന് ഷംസീര് വയലിന് പറഞ്ഞു.
അബുദാബിയിലെ സ്വകാര്യ ആശുപത്രികളില് കോവിഡ് പരിശോധന സൗജന്യമായിരിയ്ക്കും എന്ന് അബുദാബി ആരോഗ്യ മന്ത്രാലയം വ്യക്തമാക്കി. വി പി എസ്, എന്എംസി ഹെല്ത്ത് കെയര് ഗ്രൂപ്പുകളുടെ നെറ്റ്വര്ക്കുകളിലും അലൈന് അല് ഖലീജ് ഹോസ്പിറ്റലിലും ഇനി മുതല് കോവിഡ് പരിശോധന സൗജന്യമായിരിക്കും.
https://www.facebook.com/Malayalivartha