ചൊവ്വയിലേക്ക് ഉപഗ്രഹം....കോവിഡിന് മുന്നിലും കുലുങ്ങാതെ യു.എ.ഇ ഭരണാധികാരികള്.. ഇത് നിശ്ചയ ദാര്ഢ്യത്തിന്റെ കുതിപ്പ്
ബഹിരാകാശം എന്ന് കേള്ക്കുമ്പോള് ജപ്പാനെയും ചൈനയേയും അമേരിക്കയേയും റഷ്യയേയും മാത്രം ഓര്മവരുന്ന കാലം കഴിഞ്ഞിരിക്കുകയാണ് . അറബ് ലോകത്തിന് അപ്രാപ്യമെന്ന് പലരും വിധിയെഴുതിയ ദൗത്യത്തിന് ഇന്ന് അര്ധരാത്രി താനിഗാഷിമ ഐലന്റില് തിരികൊളുത്തുമ്പോള് തെളിയുന്നത് കോവിഡിന് മുന്നിലും കുലുങ്ങാത്ത യു.എ.ഇ ഭരണാധികാരികളുടെ നിശ്ചയ ദാര്ഢ്യമാണ്. അറബ് മേഖല പ്രതീക്ഷകളോടെ കാത്തിരിക്കുന്ന യുഎഇ ചൊവ്വാ പേടക വിക്ഷേപണത്തിനു ഇനി മണിക്കൂറുകള് മാത്രമാണ് അവശേഷിക്കുന്നത്.
എണ്ണ കഴിഞ്ഞാല് ഒന്നുമില്ലെന്ന് എഴുതിത്തള്ളി മാറ്റി നിര്ത്തിയ അറബ് ജനതയുടെ പ്രതീക്ഷയുടെയും ആത്മാഭിമാനത്തിന്റെയും ശുഭാപ്തിവിശ്വാസത്തിന്റെയും പ്രതിനിധിയാണ് ഹോപ്പ് പ്രോബ്.
ചൊവ്വയുടെ താഴ്ന്ന അന്തരീക്ഷം ചിത്രീകരിക്കുക
കാലാവസ്ഥ മാറ്റങ്ങള് നിരീക്ഷിക്കുക
ആഗോള കാലാവസ്ഥാ ഭൂപടം മനസിലാക്കുക
പൊടിക്കാറ്റ്, വിവിധ ഭാഗങ്ങളിലെ കാലാവസ്ഥ വ്യതിയാനം എന്നിവ നിരീക്ഷിക്കുക
കാലാവസ്ഥ വ്യതിയാനങ്ങളുടെ കാരണം അന്വേഷിക്കുകതുടങ്ങിയവയാണ് പ്രധാന ലക്ഷ്യങ്ങള്:
ചൊവ്വയുടെ പൂര്ണ ചിത്രങ്ങള് പ്രതീക്ഷിക്കുന്നുണ്ട്
ഹൈഡ്രജന്, ഓക്സിജന് എന്നിവ നഷ്ടപ്പെടുന്നതിന്റെ കാരണം അന്വേഷിക്കും
ലഭ്യമാകുന്ന വിവരങ്ങള് ലോകത്തെ 200ഓളം സ്പേസ്സെന്ററുകള്ക്ക്
കൈമാറും
2117ല് ചൊവ്വയില് മനുഷ്യന് താമസ സ്ഥലം ഒരുക്കും എന്നിവയും ഹോപ്പ് പ്രോബിന്റെ പ്രധാന ലക്ഷ്യങ്ങളില് പെടുന്നു
ആറ് വര്ഷം മുന്പ് യു.എ.ഇ പ്രസിഡന്റ് ശൈഖ് ഖലീഫ ബിന് സായിദ് ആല് നെഹ്യാനാണ്
ഹോപ്പിന്റെ വരവ് അറിയിച്ച് പ്രഖ്യാപനം നടത്തിയത്. തൊട്ടടുത്ത വര്ഷം മുഹമ്മദ് ബിന് റാശിദ് സ്പേസ് സെന്റര് സ്ഥാപിച്ചു. ഇവിടെയാണ് ഹോപ്പിന്റെ നിര്മാണം നടന്നത്. 55 ലക്ഷം മണിക്കൂറില് 450ഓളം ജീവനക്കാരുടെ ശ്രമഫലമായാണ് ഹോപ്പിന് ജീവന് നല്കാനായത്. ജൂലൈയിലോ ആഗസ്റ്റിലോ വിക്ഷേപിക്കും എന്നായിരുന്നു പ്രഖ്യാപനം. എന്നാല്, അപ്രതീക്ഷിതമായി കോവിഡ് എത്തിയതോടെ അറബ് ലോകം ആശങ്കയിലായി.
നിശ്ചയദാര്ഡ്യമുള്ള യു.എ.ഇ ഭരണാധികാരികള് കോവിഡിന് മുന്നിലും കുലുങ്ങിയില്ല. കോവിഡ് കൊടുമ്പിരി കൊണ്ട ദിവസങ്ങള്ക്കിടയിലാണ് പ്രതീക്ഷിച്ചതിനേക്കാള് രണ്ടാഴ്ച നേരത്തെ ഹോപ്പിനെ യു.എ.ഇയില് നിന്ന് ജപ്പാനിലെത്തിച്ചത്. ആഗസ്റ്റ് വരെ സമയമുണ്ടായിട്ടും ഈ മാസം തന്നെ വിക്ഷേപണത്തിനൊരുങ്ങിയതും ഇതേ നിശ്ചയദാര്ഡ്യത്തിന്റെ ഫലമാണ്. യു.എ.ഇയുടെ വനിത ശാക്തീകരണത്തിന്റെ മറ്റൊരു തെളിവ് കൂടിയാണ് ഹോപ്പിന്റെ നിര്മാണം. ഇതിന് പിന്നില് പ്രവര്ത്തിച്ചവരില് 34 ശതമാനവും വനിതകളായിരുന്നു. പി.പി.ഇ കിറ്റിന്റെ സഹായത്തോടെയായിരുന്നു ഹോപ്പിന്റെ അണിയറയിലെ പ്രവര്ത്തനം.അതെ , അറബ് ലോകം ഉറങ്ങാതെ കാത്തിരിക്കുകയാണ്..തങ്ങളുടെ പ്രതീക്ഷകളും പേറിയുള്ള ആ യാത്രയുടെ വിജയത്തിനായി..
"
https://www.facebook.com/Malayalivartha