ഹജ്ജ് കര്‍മ്മം പൂര്‍ത്തിയാക്കിയ കേരള തീര്‍ത്ഥാടകരുടെ മടക്ക യാത്ര ഓഗസ്റ്റ് 18 മുതല്‍ ആരംഭിക്കും . ഈ വര്‍ഷം കേരളത്തില്‍ നിന്ന് 13,472 പേര്‍ക്കാണ് ഹജ്ജ് നിര്‍വ്വഹിക്കാന്‍ അവസരം കിട്ടിയത്. കേരളത്തില്‍ നിന്നെത്തിയ മലയാളി തീര്‍ത്ഥാടകര്‍ ഹജ്ജ് കര്‍മ്മം പൂര്‍ത്തിയാക്കിയ ശേഷം ഓഗസ്റ്റ് 18 മുതല്‍ മക്കയില്‍ നിന്ന് നാട്ടിലേക്ക് മടങ്ങിത്തുടങ്ങും. കരിപ്പൂര്‍ വിമാനത്താവളം വഴിയെത്തിയ തീര്‍ത്ഥാടകര്‍ ഓഗസ്റ്റ് 18 മുതല്‍ സെപ്റ്റംബര്‍ മൂന്ന് വരെയുള്ള ദിവസങ്ങളിലായിരിക്കും നാട്ടിലേക്ക് മടങ്ങുക.
അതേ സമയം നെടുമ്പാശേരി വിമാനത്താവളം വഴിയെത്തിയവര്‍ ഓഗസ്റ്റ് 28 മുതല്‍ 31 വരെയുള്ള തീയതികളിലായിരിക്കും നാട്ടിലേക്കു മടങ്ങുന്നത്.