ഡോളറിനെതിരെ രൂപ ദുര്‍ബലമായതോടെ പ്രവാസികള്‍ക്ക് നേട്ടം. സമാനതകളില്ലാത്ത ഇടിവിലേക്കു കൂപ്പുകുത്തി ഇന്ത്യന്‍ രൂപ. ഇന്നലെ റെക്കോര്‍ഡ് താഴ്ചയിലാണു രൂപ. രാജ്യാന്തര വിപണിയില്‍ യുഎഇ ദിര്‍ഹത്തിന് 19.49 രൂപയാണ് വ്യാഴാഴ്ചത്തെ നിരക്ക്. ഇതനുസരിച്ച് 51 ദിര്‍ഹം 34 ഫില്‍സിന് ഉപഭോക്താക്കള്‍ക്ക് 1000ഇന്ത്യന്‍ രൂപ ലഭിച്ചു. 5134 ദിര്‍ഹം അയച്ചാല്‍ ഒരുലക്ഷം രൂപയും. ഒരു സൗദി റിയാലിന് 19.06 രൂപ, ഖത്തര്‍ റിയാലിന് 19.64, ബഹ്‌റൈന്‍ ദിനാറിന് 189.72, ഒമാന്‍ റിയാലിന് 185.76, കുവൈത്ത് ദിനാറിന് 235.12 രൂപ എന്നിങ്ങനെയാണ് ഇന്ന് ലഭിച്ച രാജ്യാന്തര വിപണി നിരക്ക്.

ഡോളറിനെതിരെ രൂപ ദുര്‍ബലമായതോടെ ഗള്‍ഫ് കറന്‍സികളുമായി വിനിമയ നിരക്കിലും കാര്യമായ വ്യത്യാസം. ഇതില്‍ നേട്ടം കൊയ്തത് പ്രധാനമായും പ്രവാസികളാണ്. കഴിഞ്ഞദിവസം രാജ്യാന്തര വിപണിയില്‍ ഒരു യുഎഇ ദിര്‍ഹത്തിന് 19 രൂപ 49 പൈസ ലഭിച്ചിരുന്നു. ഇതനുസരിച്ച് 1000 ഇന്ത്യന്‍ രൂപ ലഭിക്കാന്‍ 51 ദിര്‍ഹം 34 ഫില്‍സ് നല്‍കിയാല്‍ മതിയാകും.

ഈ നിരക്കില്‍നിന്ന് 10 ഫില്‍സ് കുറച്ചാണ് പ്രാദേശിക വിപണിയില്‍ വിനിമയം നടക്കുന്നത്. ഇതോടെ പണമിടപാട് സ്ഥാപനങ്ങളില്‍ തിരക്ക് വര്‍ധിച്ചു. ഈ മാസം തുടക്കത്തില്‍ തന്നെ രൂപ 19 കടന്നതോടെ പ്രവാസികള്‍ മെച്ചപ്പെട്ട നിരക്കിനായി കാത്തിരിക്കുകയായിരുന്നു. നിക്ഷേപത്തിനായി കാശ് അയക്കുന്നവര്‍ നിരക്ക് കൂടുന്നതിന് അനുസരിച്ച് എക്‌സ്‌ചേഞ്ചുകളിലെത്തുന്നതായി അധികൃതര്‍ അറിയിച്ചു. ക്രെഡിറ്റ് കാര്‍ഡ് ഉപയോഗിച്ച് പണമയച്ചവരും കുറവല്ല.

യുഎഇയിലെ വിവിധ എക്‌സ്‌ചേഞ്ചുകളില്‍നിന്ന് ഒരു ദിര്‍ഹത്തിന് 19.39 പൈസയാണ് കഴിഞ്ഞദിവസത്തെ മികച്ച നിരക്ക്. നിക്ഷേപം ഉദ്ദേശിച്ച് അയക്കുന്നവരാണ് നിരക്ക് കൂടുന്നതിന് അനുസരിച്ച് എക്‌സ്‌ചേഞ്ചുകളിലെത്തുന്നത്. കൂടാതെ അടിയന്തര ആവശ്യത്തിന് പണം അയക്കുന്നവരും എത്തുന്നു. ഇതോടെ പണമിടപാട് സ്ഥാപനങ്ങളില്‍ തിരക്ക് വര്‍ധിച്ചിരിക്കയാണ്. ഈ മാസം തുടക്കത്തില്‍ തന്നെ രൂപ 19 കടന്നതോടെ പ്രവാസികള്‍ മെച്ചപ്പെട്ട നിരക്കിനായി കാത്തിരിക്കുകയായിരുന്നു.

കേരളത്തില്‍ പ്രളയ ദുരിതാശ്വാസ പ്രവര്‍ത്തനങ്ങള്‍ക്ക് സഹായം അയയ്ക്കുന്നവര്‍ക്കും കൂടുതല്‍ തുക നാട്ടില്‍ ലഭിക്കാന്‍ ഈ അവസരം പ്രയോജനപ്പെടുത്താമെന്ന് എക്‌സ്‌ചേഞ്ച് അധികൃതര്‍ പറയുന്നു.

2013 സെപ്റ്റംബറിനു ശേഷമുള്ള ഏറ്റവും വലിയ നഷ്ടമാണ് ഇപ്പോള്‍ സംഭവിച്ചുകൊണ്ടിരിക്കുന്നത്. രൂപയുടെ മൂല്യം 72 ലേക്കു കടക്കുമെന്നാണു വിദഗ്ധരുടെ അഭിപ്രായം. രാജ്യാന്തര വിപണിയില്‍ ഡോളര്‍ ശക്തമാകുന്നതു രൂപയുടെ മൂല്യമിടിവിന്റെ ശക്തി കൂട്ടുന്നുണ്ട്.