സൗദി ദേശീയ ദിനത്തോടനുബന്ധിച്ച് സിവില്‍ സര്‍വീസ് മന്ത്രാലയം സെപ്തംബര്‍ 20 മുതല്‍ 23 വരെ നാല് ദിവസത്തെ അവധി പ്രഖ്യാപിച്ചു. വെള്ളി, ശനി ദിവസങ്ങളിലെ വാരാന്ത്യ അവധി ദിനങ്ങള്‍ കൂടി ഉള്‍പ്പെടുത്തിയാണിത്. എല്ലാ വര്‍ഷവും സെപ്തംബര്‍ 23നാണ് സൗദി ദേശീയ ദിനം ആഘോഷിക്കുന്നത്.

ഏതെങ്കിലും രണ്ട് അവധി ദിനങ്ങള്‍ക്കിടയിലെ പ്രവൃത്തി ദിനം അവധി ദിനമായിരിക്കണമെന്ന സിവില്‍ സര്‍വീസ് മന്ത്രാലയത്തിന്റെ പ്രഖ്യാപന പ്രകാരമാണ് 4 ദിവസത്ത അവധി ലഭിക്കുന്നത്. ഇതോടെ ശനിയാഴ്ച്ച വാരാന്ത്യ അവധിയും സെപ്തംബര്‍ 23 തിങ്കളാഴ്ച ദേശീയ ദിനാവധിയുമായതിനാല്‍ ഈ രണ്ട് ദിനങ്ങള്‍ക്കിടയില്‍പ്പെട്ട ഞായറാഴ്ചയും സ്വാഭിവകമായും അവധി ദിനമായി മാറുകയാണ് ചെയ്തത്.