ബി.ഡി.ജെ.എസ് നേതാവ് തുഷാര് വെള്ളാപ്പള്ളി യുഎഇയില് അറസ്റ്റില്, തുഷാറിനെ അജ്മാന് ജയിലിലേക്ക് മാറ്റി... തൃശ്ശൂര് സ്വദേശി നാസില് അബ്ദുള്ളയുടെ പരാതിയിലാണ് അറസ്റ്റ്... പത്ത് വര്ഷം മുമ്പാണ് കേസിന് ആസ്പദമായ സംഭവം
ബി.ഡി.ജെ.എസ് നേതാവ് തുഷാര് വെള്ളാപ്പള്ളി യുഎഇയില് അറസ്റ്റില്. യുഎഇയിലെ അജ്മാനില് അറസ്റ്റിലായ തുഷാര് വെള്ളാപ്പള്ളിയെ പുറത്തിറക്കാനുള്ള ശ്രമങ്ങള് തുടരുന്നു. ഇന്നലെയാണ് ബിഡിജെഎസ് നേതാവ് തുഷാര് വെള്ളാപ്പള്ളി യുഎഇയിലെ അജ്മാനില് വച്ച് അറസ്റ്റിലായത്. ബിസിനസ് പങ്കാളിക്ക് വണ്ടിച്ചെക്ക് നല്കിയെന്ന കേസിലാണ് അറസ്റ്റ്. യുഎഇ സ്വദേശിയുടെ പരാതിയിലാണ് അറസ്റ്റ്. പത്തുമില്യണ് യുഎഇ ദിര്ഹത്തിന്റെ വണ്ടിചെക്ക് കേസില് അറസ്റ്റിലായ തുഷാര് ഇപ്പോള് അജ്മാന് ജയിലിലാണ്.ഏത് വിധേനയെങ്കിലും തുഷാറിനെ പുറത്തിറക്കാനുള്ള ശ്രമത്തിലാണ് സുഹൃത്തുക്കള്.
വ്യാഴാഴ്ചയായതിനാല് ഇന്ന് പുറത്തിറക്കാന് കഴിഞ്ഞില്ലെങ്കില് അടുത്ത ദിവസങ്ങളില് പൊതു അവധിയായതിനാല് രണ്ട് ദിവസം കൂടി തുഷാര് ജയിലില് കിടക്കേണ്ടി വരും. വ്യവസായി എം എ യൂസഫലിയുടെയും കേന്ദ്രസര്ക്കാരിന്റെ സഹായവും തുഷാറിന്റെ കുടുംബം തേടുന്നുണ്ട്. കഴിഞ്ഞ ദിവസം രാത്രി അജ്മാനിലെ ഒരു പഞ്ചനക്ഷത്ര ഹോട്ടലില് വച്ചാണ് ബിഡിജെഎസ് നേതാവ് തുഷാര് വെള്ളാപള്ളിയെ അറസ്റ്റ് ചെയ്തത്. പത്തുവര്ഷം മുമ്പ്് അജ്മാനില് ബോയിംഗ് എന്ന പേരില് നിര്മ്മാണ കമ്പനി നടത്തിയിരുന്ന കാലത്ത് ഉപകരാര് ജോലികള് ഏല്പിച്ച തൃശ്ശൂര് സ്വദേശി നാസില് അബ്ദുള്ളയ്ക്ക് നല്കിയ വണ്ടിച്ചെക്ക് കേസിലാണ് പോലീസ് നടപടി. കേസ് ഒത്തുതീര്പ്പാക്കാനുള്ള ശ്രമങ്ങള് പുരോഗമിക്കുന്നതായാണ് വിവരം.
https://www.facebook.com/Malayalivartha
