ചൂട് ശക്തമായതോടെ ജോലിക്കാര്ക്ക് അനുവദിച്ച ഉച്ചവിശ്രമം 31ന് അവസാനിക്കും; ഉച്ചവിശ്രമം അനുവദിച്ചിരുന്ന കാര്യം ജോലിക്കാരില് പലര്ക്കും അറിയില്ലായിരുന്നുവെന്ന് അസോസിയേഷന്
കുവൈത്തില് ചൂട് ശക്തമായതോടെ പുറം ജോലിക്കാര്ക്ക് അനുവദിച്ച ഉച്ചവിശ്രമം ഈ മാസം 31ന് അവസാനിക്കും. മാന്പവര് അതോറിറ്റിയിലെ ഉദ്യോഗസ്ഥര് നടത്തിയ പരിശോധനയില് ഈ വര്ഷം ഇതുവരെ 1500 ലേറെ പേര് വിശ്രമത്തിന് നിശ്ചയിക്കപ്പെട്ട സമയത്തു ജോലിചെയ്യുന്നതായി കണ്ടെത്തിയിരുന്നു. സര്ക്കാര് പദ്ധതികള്, ഭവന നിര്മാണ പദ്ധതികള് തുടങ്ങിയവയില് നടത്തിയ പരിശോധനയിലാണ് നിയമലംഘനം കണ്ടെത്തിയത്.
മനുഷ്യാവകാശ അസോസിയേഷന് പ്രതിനിധികള് നടത്തിയ പരിശോധനയില് 356 തൊഴിലാളികളും ഉച്ചവിശ്രമ സമയത്ത് ജോലി ചെയ്യുന്നതായി കണ്ടെത്തി. വാട്ട്സാപ്, ഹോട്ട്ലൈന് വഴി ലഭിച്ച പരാതികളെ തുടര്ന്നായിരുന്നു പലയിടങ്ങളിലും പരിശോധനയെന്ന് മനുഷ്യാവകാശ അസോസിയേഷന് അറിയിച്ചു. ഉച്ചവിശ്രമം അനുവദിക്കപ്പെട്ടതാണെന്ന കാര്യം ജോലിക്കാരില് പലര്ക്കും അറിയില്ലായിരുന്നുവെന്നാണ് മനസിലായതെന്നും അസോസിയേഷന് പറഞ്ഞു.
https://www.facebook.com/Malayalivartha
