ദുബായില്‍ പ്രവാസിയായ മലയാളി യുവാവ് ജോലി ചെയ്യുന്നതിനിടെ അപകടത്തില്‍ മരിച്ചു. തലശ്ശേരി കോടിയേരി സ്വദേശിയായ റഷിത്ത് കാട്ടില്‍ മുല്ലോളി (29 ) ആണ് മരിച്ചത്. കോടിയേരി മുല്ലോളി രവീന്ദ്രന്റെയും ശ്യാമളയുടെയും മകനാണ്. യുവാവ് ദുബായിലെ സ്വകാര്യ കമ്പനിയില്‍ ലിഫ്റ്റ് ടെക്‌നീഷ്യന്‍ ആയി ജോലി ചെയ്തു വരികയായിരുന്നു.

ജബല്‍ അലിയില്‍ ജോലി ചെയ്തു കൊണ്ടിരിക്കവേ അപകടത്തില്‍പ്പെടുകയായിരുന്നു. അപകടമുണ്ടായത് ലിഫ്റ്റുകള്‍ അസ്സംബിള്‍ ചെയ്യുന്നതിനിടെയായിരുന്നു .നടപടിക്രമങ്ങള്‍ പൂര്‍ത്തിയാക്കി മൃതദേഹം വ്യാഴാഴ്ച നാട്ടിലേക്ക് കൊണ്ടുപോകും. കുടുംബാംഗങ്ങള്‍ക്ക് യുവാവിന്റെ അപ്രതീക്ഷിത മരണം താങ്ങാനാവുന്നില്ല.