കോവിഡ് രൂക്ഷമാകുന്ന സാഹചര്യത്തില്‍ കുവൈത്തില്‍ കൂട്ടംകൂടിയാല്‍ 3 മാസം തടവും 50,000 ദിനാര്‍ പിഴയും. കോവിഡ് വ്യാപനത്തിനെതിരായ പ്രതിരോധ നടപടികളില്‍ പൊതു ഇടങ്ങളിലെ കൂട്ടംചേരലും കര്‍ശനമായി വിലക്കി. നിയന്ത്രണം ലംഘിച്ചാല്‍ ശിക്ഷ കടുക്കുമെന്ന് പൊതുസുരക്ഷാവിഭാഗം അസി.അണ്ടര്‍സെക്രട്ടറി മേജര്‍ ജനറല്‍ ഫറാജ് അല്‍ സൂബി പറഞ്ഞു. നിയമലംഘകരെ കണ്ടെത്താന്‍ ആഭ്യന്തര മന്ത്രാലയത്തിലെ പൊതുസുരക്ഷ, ഗതാഗതം, റെസ്‌ക്യു, അന്വേഷണം, സ്‌പെഷല്‍ ഫോഴ്‌സ് വിഭാഗങ്ങള്‍ എകോപിപ്പിച്ച് പ്രവര്‍ത്തിക്കുമെന്നും അദ്ദേഹം പറഞ്ഞു.