ബര്‍ദുബൈയില്‍ ഓര്‍മ്മ നഷ്ടപ്പെട്ട നന്നായി മലയാളവും ഇംഗ്ലീഷും സംസാരിക്കുന്ന യുവതി ബന്ധുക്കളില്ലാതെ അലയുന്നു. പേരോ നാടോ ഒന്നുമറിയില്ല. ഓര്‍മശേഷി നഷ്ടപ്പെട്ട് പരസ്പര വിരുദ്ധമായ കാര്യങ്ങളാണ് യുവതി സംസാരിക്കുന്നത്. ബര്‍ദുബൈ ക്ഷേത്രത്തിനടുത്തെ ആല്‍ത്തറയിലാണ് ഇപ്പോള്‍ ഇവര്‍ ജീവിതം കഴിച്ചുകൂട്ടുന്നത്. എമിറേറ്റ്‌സ് ഐ.ഡിയോ പാസ്‌പോര്‍ട്ടോ വിസയോ എവിടെയാണെന്ന് ഇവര്‍ക്ക് അറിയില്ല. ചിലപ്പോള്‍ ഇവര്‍ ആലപ്പുഴയാണ് വീടെന്ന് പറയും. ഇടക്ക് പറയും തിരുവനന്തപുരത്താണെന്ന്. യു.എ.ഇയിലെ നിയമങ്ങളെ കുറിച്ച് ഇവര്‍ക്ക് നല്ല ഓര്‍മയുണ്ട്. 1996 മുതല്‍ 2001 വരെ യു.എ.ഇയിലെ ഒരു സ്ഥാപനം നടത്തിയിരുന്നതായി പറയുന്നുണ്ട്. സാമൂഹിക പ്രവര്‍ത്തകര്‍ അന്വേഷിച്ചപ്പോള്‍ ഇങ്ങനൊരു സ്ഥാപനം ഉണ്ടായിരുന്നു എന്നാണ് അറിയാന്‍ കഴിഞ്ഞത്. എന്നാല്‍ ഈ സ്ഥാനം 2001ല്‍ പൂട്ടിപോയെന്ന് മാധ്യമം റിപ്പോര്‍ട്ട് ചെയ്യുന്നു. ഇവരുടെ ഭര്‍ത്താവിന്റെ പേര് ബാലു എന്നാണ് പറയുന്നത്. ഏകദേശം 4045 വയസ് പ്രായം തോന്നിക്കും. ഇവരുടെ ബന്ധുക്കളോ പരിചയക്കാരോ ഉണ്ടെങ്കില്‍ നാട്ടിലേക്ക് കയറ്റി അയക്കാന്‍ സൗകര്യം ഏര്‍പെടുത്താമെന്നാണ് യു.എ.ഇ അധികൃതരും ഇന്ത്യന്‍ കോണ്‍സുലേറ്റും അറിയിച്ചിച്ചിട്ടുണ്ട്. എന്തെങ്കിലും വിവരം ലഭിക്കുന്നവര്‍ താഴെ കാണുന്ന നമ്ബറില്‍ ബന്ധപ്പെടണം: 0097155 5712550 (ഷിജു ബഷീര്‍).