വിമാനത്താവളത്തിൽ തിരക്ക് വർദ്ധിക്കുന്നു, അബുദബിയിൽ നിന്ന് യാത്ര ചെയ്യുന്ന പ്രവാസികൾക്ക് പുതിയ നിർദ്ദേശവുമായി വിമാന കമ്പനി
അബുദബിയിൽ നിന്ന് യാത്ര ചെയ്യുന്ന പ്രവാസികൾക്ക് പുതിയ നിർദ്ദേശവുമായി എത്തിയിരിക്കുകയാണ് വിമാന കമ്പനിയായ ഗോ എയര്. ഇന്ത്യയിലേക്ക് യാത്ര ചെയ്യുന്ന യാത്രക്കാര് വിമാനം പുറപ്പെടുന്നതിന് മൂന്നു മണിക്കൂര് മുമ്പെങ്കിലും എയര്പോര്ട്ട് ചെക്ക് ഇന് കൗണ്ടറില് റിപ്പോര്ട്ട് ചെയ്യണമെന്ന് ഗോ എയര് അറിയിച്ചു.
വേനല് അവധിമൂലം തിരക്ക് വര്ധിച്ചതോടെ ആണ് ഇത്തരമൊരു തീരുമാനം. യാത്രക്കാര് വര്ധിച്ചതോടെ നല്ല തിരക്കാണ് അബൂദബി, ദുബൈ വിമാനത്താവളങ്ങളില് അനുഭവപ്പെടുന്നത്.അവധി ദിനങ്ങളില് തിരക്ക് വര്ധിക്കുന്നതിനാല് ഉദ്ദേശിച്ച സമയത്ത് വിമാനത്താവളത്തില് എത്തിപ്പെടാനും യാത്രാനടപടികള് പൂര്ത്തീകരിക്കാനും സാധിക്കാതെ വരുന്നത് ഒഴിവാക്കുന്നതിനാണ് നേരത്തെ എത്തണമെന്ന് നിര്ദേശിച്ചിട്ടുള്ളത്. കോവിഡ് കാരണം കഴിഞ്ഞ രണ്ടു വര്ഷമായി നാട്ടിലേക്ക് പോകാതിരുന്ന
കുടുംബങ്ങള് വേനല് അവധിക്ക് സ്കൂള് അടച്ചതോടെ കൂട്ടമായി നാട്ടിലേക്ക് പോവുകയാണ്. ഈ ഒരു അവസരത്തിൽ തിരക്ക് വർദ്ധിക്കുകയാണ്. ഈ ഒരു പ്രതിസന്ധി മുന്നിൽ കണ്ടുകൊണ്ടാണ് ഇത്തരമൊരു തീരുമാനം.മാത്രമല്ല, എല്ലാ യാത്രക്കാരും എയര് സുവിധ പോര്ട്ടലില് കോവിഡ്-19 വാക്സിനേഷന് സര്ട്ടിഫിക്കറ്റ്/സാധുതയുള്ള ആര്.ടി.പി.സി.ആര് റിപ്പോര്ട്ട് പുറപ്പെടുന്നതിന് മുമ്പ് അപ്ലോഡ് ചെയ്യണം.
അതിന്റെ പ്രിന്റ് ഔട്ടും കൈയില് കരുതേണ്ടതാണ്.കൂടാതെ വാക്സിനേഷന് എടുക്കാത്ത അഞ്ച് വയസ്സും അതില് കൂടുതലുമുള്ള കുട്ടികള് ഫ്ലൈറ്റ് പുറപ്പെടുന്നതിന് 72 മണിക്കൂറിനുള്ളില് സാധുവായ പി.സി.ആര് റിപ്പോര്ട്ട് എടുക്കണം.നേരിട്ടുള്ള ആശയവിനിമയത്തിനും അപ്ഡേറ്റുകള്ക്കുമായി യാത്രക്കാരുടെ പ്രാദേശിക നമ്പറും ഇ-മെയില് ഐ.ഡിയും പി.എന്.ആറില് അപ്ഡേറ്റ് ചെയ്യുന്നത് ഉറപ്പാക്കണം. കൂടുതല് വിവരങ്ങള്ക്ക്, യു.എ.ഇയിലെ ഗോ ഫസ്റ്റ് ഓഫീസുകളുമായോ സെയില്സ് ടീമുമായോ ബന്ധപ്പെടേണ്ടതാണ്.
https://www.facebook.com/Malayalivartha
