നാട്ടിലേക്ക് പണമയക്കൂ ഇരട്ടി നേടു..! റിയാലിന്റെ വിനിമയ നിരക്ക് വീണ്ടും റെക്കോഡ് ഉയരത്തിൽ, പ്രവാസികൾക്ക് നാട്ടിലേക്ക് പണമയയ്ക്കാൻ നല്ല ബൈസ്റ്റ് ടൈം, അവസരം പരമാവധി പ്രയോജനപ്പെടുത്താൻ പ്രവാസികൾ പരക്കം പാച്ചിലിൽ
നാട്ടിലേക്ക് പണമയയ്ക്കാൻ നല്ല ബൈസ്റ്റ് ടൈമാണ് പ്രവാസികൾക്ക് വന്നെത്തിയിരിക്കുന്നത്. റിയാലിന്റെ വിനിമയ നിരക്ക് വീണ്ടും കുതിച്ചുയർന്ന് റെക്കോഡ് ഉയരത്തിലെത്തി നിൽക്കുകയാണ്. ഒരു റിയാലിന് 203 രൂപ എന്ന നിരക്കാണ് ഒമാനിലെ വിനിമയ സ്ഥാപനങ്ങള് ശനിയാഴ്ച നല്കിയത്. ഞായറാഴ്ചയും ഇതേ നിരക്ക് തന്നെയാണ് ഉപഭോക്താക്കള്ക്ക് ലഭിക്കുക. നാട്ടിലേക്ക് പണമയക്കാനുള്ള ഉചിതമായ സമയമാണിത്. ഇത് കൂടാതെ സൗദി റിയാലിന്റെ വിനിമയ നിരക്കും ഉർന്നിരിക്കുകയാണ്.
ഈ സാഹചര്യത്തില് രാജ്യത്തെ സഞ്ചാരികള് വിദേശ രാജ്യങ്ങളിലേക്കുള്ള യാത്ര കൂടുതല് ഉപയോഗപ്പെടുത്തുന്നതായി റിപ്പോര്ട്ട്. റിയാലിന്റെ മൂല്യം ഉയർന്നതോടെ ആളുകൾ ഇത് ഉപയോഗപ്പെടുത്താനുള്ള തിരിക്കിലാണ്. ഒമാന് റിയാലിന്റെ വിനിമയ നിരക്ക് കഴിഞ്ഞ കുറെ ദിവസമായി ഉയരുകയാണ്.
മേയ് ഒമ്പതിന് ഒരു റിയാലിന് 200 രൂപ എന്ന നിരക്കിലെത്തിയ ശേഷം വിനിമയ നിരക്ക് താഴേക്ക് പോയിട്ടില്ല. ചെറിയ വ്യത്യാസത്തില് 200 രൂപയില് തന്നെ നില്ക്കുകയായിരുന്നു. എന്നാല്, ജൂണ് 14 ന് വിനിമയ നിരക്ക് 203 രൂപക്ക് തെട്ടടുത്തെത്തിയിരുന്നു. സാമ്പത്തിക പ്രതിസന്ധി ഏറെ നേരിടുന്ന അവസരത്തില് വിനിമയ നിരക്ക് ഉയരുന്നത് പ്രവാസികള്ക്ക് ഏറെ ആഹ്ലാദം പകരുന്നുണ്ട്.
അതേസമയം സൗദി റിയാല് ആദ്യമായി അഞ്ച് ഈജിപ്ഷ്യന് പൗണ്ട് (ഇ.ജി.പി) ആയി ഉയര്ന്ന ഘട്ടത്തില് ഈജിപ്തിലേക്കുള്ള സൗദി വിനോദസഞ്ചാരികളുടെ എണ്ണം വര്ധിക്കുന്നതായിട്ടാണ് ടൂറിസം മേഖലയിലുള്ളവര് സാക്ഷ്യപ്പെടുത്തുന്നത്. ഈജിപ്തിലേക്ക് ഏറ്റവും കൂടുതല് അറബ് വിനോദസഞ്ചാരികള് എത്തുന്നത് സൗദിയില് നിന്നാണ്.
ഒരു വര്ഷം മുമ്പ് ഈജിപ്തിലേക്കുള്ള വിമാന സര്വീസ് പുനരാരംഭിച്ചതിന് ശേഷം ഈജിപ്തിലേക്ക് വിനോദസഞ്ചാരികളെ അയക്കുന്നതില് സൗദി അറേബ്യയാണ് അറബ് രാജ്യങ്ങളില് ഒന്നാമത് നിൽക്കുന്നത്.
ഈജിപ്തിലേക്ക് വരുന്ന അറബ് വിനോദസഞ്ചാരികളുടെ എണ്ണം മുന് വര്ഷങ്ങളേക്കാള് കൂടിവരുകയാണെന്നും ഈജിപ്തിലേക്ക് അറബ് രാജ്യങ്ങളില്നിന്നുള്ള സഞ്ചാരികളുടെ ഒഴുക്ക് തുടങ്ങിയതായും ഈജിപ്ഷ്യന് ഫെഡറേഷന് ഓഫ് ടൂറിസം ചേംബേഴ്സ്, ചേംബര് ഓഫ് ടൂറിസം കമ്പനികളുടെ അറബ് ടൂറിസം കമ്മിറ്റി മേധാവി മുഹമ്മദ് തര്വാത്ത് പറഞ്ഞു. ടൂറിസ്റ്റുകളുടെ വരവ് വര്ധിച്ച സാഹചര്യത്തില് ഗ്രേറ്റര് കെയ്റോയിലെയും നോര്ത്ത് കോസ്റ്റിലെയും ഹോട്ടലുകളിലെ താമസനിരക്ക് ഗണ്യമായി വര്ധിപ്പിച്ചിട്ടുണ്ട്.
https://www.facebook.com/Malayalivartha