ഗൾഫ് രാഷ്ട്രങ്ങളിൽ പെരുന്നാൾ അവധി വരാൻ പോകുകയാണ്.കഴിഞ്ഞ ദിവസം ബലിപെരുന്നാൾ പ്രമാണിച്ച്‌ സ്വകാര്യമേഖലയ്ക്ക് നാല് ദിവസത്തെ അവധിയാണ് സൗദി പ്രഖ്യാപിച്ചിരുന്നു. ഇതിന് പിന്നാലെ ഇതാ പ്രവാസികൾക്ക് പെരുന്നാൾ സമ്മാനത്തിന് തുല്യമായ അറിയിപ്പ് പുറത്തുവിട്ടിരിക്കുകയാണ് സൗദി പാസ്‌പോർട് വിഭാഗം. ഈ ദിനങ്ങളിൽ അടിയന്തര സാഹചര്യങ്ങളിൽ സേവനങ്ങൾ ലഭ്യമാക്കുമെന്ന് അറിയിച്ചു.

രാജ്യത്തെ എല്ലാ പ്രദേശങ്ങളിലെയും പാസ്‌പോർട് വിഭാഗം ഓഫീസുകളും ഗുണഭോക്താക്കൾക്കായി തുറന്ന് പ്രവർത്തിക്കും. ഈ കാലയളവിൽ സൗദി പൗരന്മാർക്കോ പ്രവാസികൾക്കോ വേണ്ടി പാസ്‌പോർട് വിഭാഗം അടിയന്തര കേസുകൾ സ്വീകരിക്കുകയും സേവനം നൽകുമെന്നും ജവാസാത് വിശദീകരിച്ചു.

അബ്ശർ പ്ലാറ്റ്‌ഫോം വഴി ഒരു ഇലക്‌ട്രോനിക് അപോയിന്റ്‌മെന്റ് നേടേണ്ടതിന്റെ ആവശ്യകതയും ജനറൽ ഡയറക്ടറേറ്റ് ഓഫ് പാസ്‌പോർട് വ്യക്തമാക്കി. അബ്ശർ, മുഖീം പ്ലാറ്റ്‌ഫോമുകളിലൂടെ ഇ-പാസ്‌പോർട് സേവനങ്ങൾ അഭ്യർഥിക്കുമ്പോൾ വിവരങ്ങൾ പ്രോസസ് ചെയ്യാൻ ഗുണഭോക്താക്കളെ പ്രാപ്തമാക്കുന്ന 'തവാസുൽ' സേവനത്തിൽ നിന്ന് പ്രയോജനം നേടേണ്ടതിന്റെ പ്രാധാന്യവും വിശദീകരിച്ചു.

ബലിപെരുന്നാൾ അവധി ദിവസങ്ങളിൽ സൗദിയിലെ വിവിധ പ്രദേശങ്ങളിലുള്ള ജവാസാത്ത് ഓഫീസുകളുടെ പ്രവർത്തന സമയം
ഇപ്രകാരമാണ്. ജൂലൈ 10 ഞായറാഴ്ച മുതൽ 14 വ്യാഴാഴ്ച വരെ എല്ലാ പ്രദേശങ്ങളിലെയും പ്രധാന ഓഫീസുകളുടെ സമയം രാവിലെ എട്ടു മണി മുതൽ ഉച്ചയ്ക്ക് രണ്ടു മണി വരെയായിരിക്കും.

വൈകിട്ടത്തെ ഷിഫ്റ്റിലെ പ്രവൃത്തി സമയം റിയാദ് അൽഖർജ് ഗവർണറേറ്റിൽ അൽറോഷൻ മാളിലെ ഇലക്ട്രോണിക് സേവന വിഭാഗത്തിലും അൽറിമാൽ ഡിസ്ട്രിക്ടിലെ പാസ്‌പോർട്ട് വിഭാഗം ഓഫീസിൽ ഞായർ മുതൽ വ്യാഴം വരെ വൈകിട്ട് നാല് മണി മുതൽ ഒമ്പത് മണി വരെയായിരിക്കും. മക്ക മേഖലയിലെ സായാഹ്ന ഷിഫ്റ്റിൽ ജിദ്ദ തഹ്ലിയ മാൾ, സെറാഫി മാൾ, റെഡ് സീ മാൾ ജവാസാത്ത് ഡിവിഷനുകളിൽ വൈകുന്നേരം അഞ്ച് മണി മുതൽ രാത്രി 10 വരെയും ആയിരിക്കും.

അടിയന്തര സർവീസുകൾക്ക് പൗരന്മാരും വിദേശികളും അബ്ഷീർ പ്ലാറ്റ്‌ഫോം വഴി ഇലക്ട്രോണിക് അപ്പോയിന്റ്‌മെന്റ് മുൻകൂട്ടി എടുക്കണം.അതേസമയം ബലിപെരുന്നാൾ പ്രമാണിച്ച്‌ സ്വകാര്യമേഖലയ്ക്ക് നാലു ദിവസത്തെ അവധിയാണ് സൗദി പ്രഖ്യാപിച്ച്ത്. ജൂലൈ എട്ടു മുതൽ 11 വരെയാണ് അവധി പ്രഖ്യാപിച്ചിട്ടുള്ളത്.

ജൂലൈ 9 നാണ് ബലിപെരുന്നാൾ. സൗദി അറേബ്യയിൽ ദുൽഹജ്ജ് മാസപ്പിറവി ദൃശ്യമായേതോടെയാണ് ജൂലൈ 9 ന് ആയിരിക്കും ബലിപെരുന്നാളെന്ന് ഉറപ്പായത്.ഹജ്ജിലെ പ്രധാന ചടങ്ങായ അറഫാ സംഗമം ജൂലൈ 8 ന് ആഘോഷിക്കും.സൗദി അറേബ്യയിലെ തുമൈർ എന്ന സ്ഥലത്താണ് മാസപ്പിറവി ദൃശ്യമായത്. അവധിയ്ക്ക് ശേഷം സ്വകാര്യ മേഖലയിലെ പ്രവർത്തനങ്ങൾ ജൂലൈ 12 ചൊവ്വാഴ്ച മുതൽ പുന:രാരംഭിക്കും.