സൗദിയിൽ കുഴഞ്ഞുവീണ് പ്രവാസി മരിച്ചു, റിയാദിൽ മരിച്ചത് കോട്ടയം സ്വദേശി
സൗദിയിൽ പ്രവാസി ദേഹാസ്വാസ്ഥ്യത്തെ തുടര്ന്ന് കുഴഞ്ഞുവീണ് മരിച്ചു. കോട്ടയം വൈക്കം കീഴൂര് സ്വദേശി ഗോപാലകൃഷ്ണന് (54) ആണ് റിയാദിൽ മരിച്ചത്. ദേഹാസ്വാസ്ഥ്യത്തെ തുടര്ന്ന് ബത്ഹയിലെ ക്ലിനിക്കിൽ എത്തിയപ്പോഴായിരുന്നു മരണം സംഭവിച്ചത്.
മൃതദേഹം നാട്ടില് എത്തിക്കുന്നതിനുള്ള നടപടികളുമായി ഇന്ത്യന് സോഷ്യല് ഫോറം വെല്ഫെയര് കോഡിനേറ്റര് അബ്ദുല് അസീസ് പയ്യന്നൂരിന്റെ നേതൃത്വത്തില് റസാഖ് മോളൂര്, അന്സാര് ചങ്ങനാശ്ശേരി എന്നിവര് രംഗത്തുണ്ട്.ഭാര്യ: സുവര്ണ. മക്കള്: അഭിജിത്, അഭിരാമി, അഭിഷേക്.
അതേസമയം സൗദിയില് ഹൃദയാഘാതം മൂലം മരിച്ച മലയാളി സാമൂഹികപ്രവര്ത്തകന്റെ മൃതദേഹം നാട്ടില് എത്തിച്ചു. റിയാദിന് സമീപം ഖര്ജില് ഹൃദയസ്തംഭനം മൂലം മരിച്ച കേളി കലാസാംസ്ക്കാരിക വേദി അല്ഖര്ജ് ഏരിയാ വൈസ് പ്രസിഡന്റും രക്ഷാധികാരി സമിതി അംഗവുമായ എറണാകുളം തോപ്പുംപടി സ്വദേശി ഒ.എം. ഹംസയുടെ (62) മൃതദേഹമാണ് നാട്ടിലെത്തിച്ചു സംസ്കരിച്ചത്.
ഹംസ 33 വര്ഷമായി അല്ഖര്ജിലെ ഹരീഖില് ഇലക്ട്രീഷ്യനായി ജോലി ചെയ്യുകയായിരുന്നു. ഹരീഖില് നിരവധി മെഡിക്കല് ക്യാമ്പുകള് സംഘടിപ്പിക്കുന്നതിന് നേതൃത്വം നല്കിയിരുന്നു. കേളി ഹരീഖ് യൂനിറ്റ് രൂപവത്കരണ കാലം മുതല് സാമൂഹികരംഗത്ത് സജീവമായിരുന്നു.
https://www.facebook.com/Malayalivartha
