പ്രവാസികൾക്ക് കുറഞ്ഞ നിരക്കിൽ പറക്കാം... വെറും 1250 ദിര്ഹം മാത്രം, നാട്ടില് പോകാൻ ആഗ്രഹിക്കുന്ന പ്രവാസികള്ക്ക് ആശ്വാസമായി യു.എ.ഇയിൽ നിന്ന് ചാര്ട്ടേഡ് വിമാന സര്വീസ്
അവധിക്കാലം ആരംഭിച്ചതോടെ ഗൾഫിൽ നിന്ന് നാട്ടിലേക്കുള്ള വിമാന നിരക്ക് അഞ്ച് ഇരട്ടിയോളം ഉയർന്നു. യുഎഇയിലെ സ്കൂളുകള് വേനല് അവധിക്ക് അടച്ചതിനാല് നാട്ടിലേക്ക് യാത്ര ചെയ്യുന്ന നിരവധി പ്രവാസി കുടുംബങ്ങളെ ഉയര്ന്ന വിമാന ടിക്കറ്റ് നിരക്ക് വെട്ടിലാക്കിയിരുന്നു.
എന്നാൽ വിമാനയാത്രാ നിരക്ക് വര്ദ്ധനവിനിടെ പ്രവാസികള്ക്ക് ആശ്വാസമായി കുറഞ്ഞ നിരക്കില് ചാര്ട്ടേഡ് വിമാന സര്വീസ് .സ്വകാര്യ ട്രാവല് ഏജന്സിയായ അല്ഹിന്ദ് ആണ് സര്വീസിന് നേതൃത്വം നല്കുന്നത്. വണ്വേ യാത്രയ്ക്ക് 26,500 രൂപയാണ് (1250 ദിര്ഹം) നിരക്ക്.
തിരുവനന്തപുരത്തേക്കുള്ള ആദ്യ വിമാനം ഇന്നലെ ദുബായില് നിന്ന് പുറപ്പെട്ടു. 183 യാത്രക്കാരാണ് ഈ വിമാനത്തിലുണ്ടായിരുന്നത്. ഏഴിന് റാസല്ഖൈമയില് നിന്നും എട്ടിന് ഷാര്ജയില് നിന്ന് കോഴിക്കോടേക്ക് രണ്ട് വിമാനങ്ങളും ഉള്പ്പെടെ ആകെ നാല് വിമാനങ്ങളില് പ്രവാസികളെ നാട്ടില് എത്തിക്കാനാണ് തീരുമാനം. ആവശ്യമായി വരികയാണെങ്കില് കൂടുതല് വിമാനങ്ങള് ചാര്ട്ടര് ചെയ്യാനും ഏജന്സിക്ക് പദ്ധതിയുണ്ട്.
മാസങ്ങള്ക്ക് മുന്പേ ടിക്കറ്റ് ബുക്ക് ചെയ്തവര്ക്ക് നിരക്കിളവില് ടിക്കറ്റ് ലഭിച്ചിരുന്നു. എന്നാല് ജോലിയിലുള്ളവരുടെ അവധിയടക്കം മറ്റു കാര്യങ്ങള് കാരണം നേരത്തെ ടിക്കറ്റെടുക്കാനാവാത്തവര് പ്രതിസന്ധിയിലായിരുന്നു. അവസാന നിമിഷം ടിക്കറ്റ് ബുക്ക് ചെയ്യാന് ശ്രമിച്ച പല യാത്രക്കാരും കുതിച്ചുയരുന്ന വില കാരണം യാത്ര മാറ്റിവെക്കുന്ന സാഹചര്യം വരെ ഉണ്ടായി. സാധാരണ വിമാനങ്ങളില് ഇരട്ടി തുക ചെലവഴിക്കണമെന്നിരിക്കെ നാട്ടില് പോകാന് ആഗ്രഹിക്കുന്ന പ്രവാസികള്ക്ക് ആശ്വാസമാകുകയാണ് ഈ ചാര്ട്ടേഡ് സര്വീസുകള്.
മാത്രമല്ല, കൊവിഡിന്റെ പ്രതിസന്ധികൾ നിലനിൽക്കുന്ന ഈ സമയത്ത് പ്രവാസികൾക്ക് വമ്പൻ ഓഫറുമായി എത്തിയിരിക്കുകയാണ് വിമാന കമ്പനിയായ എമിറേറ്റ്സ്. വിമാനത്തിൽ ദുബായിലേക്ക് ടിക്കറ്റ് എടുക്കുന്നവർക്കാണ് ഈ ഓഫർ ലഭിക്കുക. ഇവർക്ക് ബുർജ് ഖലീഫയിൽ പ്രവേശിക്കാനുള്ള സൗജന്യ ടിക്കറ്റ് ഉൾപ്പടെ ഒട്ടേറെ ഓഫറുകളാണ് എമിറേറ്റ്സ് പ്രഖ്യാപിച്ചിരിക്കുന്നത്.
ദുബായ് ഫൗണ്ടൻ ബോർഡ് വാക്ക്, അബുദാബി ലുവ്റ് മ്യൂസിയം എന്നിവ കാണാനും ടിക്കറ്റുകൾ നൽകും. ജൂലൈ ഒന്നു മുതൽ സെപ്റ്റംബർ 30 വരെ ടിക്കറ്റുകൾ എടുക്കുന്നവർക്കാണ് ഈ ഓഫറുകൾ എന്ന് മറക്കേണ്ട. ഒരോ പ്രദേശത്തെയും ബുക്കിങ് കാലാവധിക്ക് വ്യത്യാസം ഉണ്ടാകാമെന്നും ഇത് വെബ്സൈറ്റിൽ നോക്കി മനസ്സിലാക്കണമെന്നും എമിറേറ്റ്സ് അധികൃതർ അറിയിച്ചിട്ടുണ്ട്. അപ്പോൾ ടിക്കറ്റ് ബുക്ക് ചെയ്യാൻ ആഗ്രഹിക്കുന്നവരാണ് നിങ്ങളെങ്കിൽ വേഗം ഓഫർ അവസാനിക്കും മുമ്പ് ബുക്ക് ചെയ്യൂ.
https://www.facebook.com/Malayalivartha
