ദുബൈയില്‍ അക്കൗണ്ട് വഴി വാടക നല്‍കുന്നതിനുള്ള സംവിധാനം ഉടന്‍ നടപ്പാക്കുമെന്ന റിപ്പോർട്ടുകളാണ് പുറത്തുവരുന്നത്.പേപ്പര്‍ രഹിത പേമെന്‍റ് എന്ന സംവിധാനത്തിലേക്ക് മാറുന്നതിന്‍റെ ഭാഗമായിയാണ് പുതിയ തീരുമാനം എന്നാണ് അറിയാൻ കഴിയുന്നത്.  ഈ സംവിധാനം വന്നു കഴിഞ്ഞാൽ പിന്നെ പഴതു പോലെ ഇനി വാടക നല്‍കാന്‍ ചെക്കുകള്‍ ഉപയോഗിക്കേണ്ടതില്ല.

പണം യു.എ.ഇ സെന്‍ട്രല്‍ ബാങ്കിന്‍റെ ഡയറക്‌ട് ഡെബിറ്റ് സിസ്റ്റം വഴി ഡിജിറ്റലായി കൈമാറാന്‍ സാധിക്കും. ഇത് വാടകക്കാര്‍ക്കും ഉടമകള്‍ക്കും ഒരുപോലെ സഹായകമാകുമെന്ന് ചൂണ്ടിക്കാട്ടപ്പെടുന്നു. ദുബൈ ലാന്‍ഡ് ഡിപ്പാര്‍ട്മെന്‍റും എമിറേറ്റ്സ് എന്‍.ബി.ഡിയും ചേര്‍ന്നാണ് പുതിയ രീതി നടപ്പാക്കുന്നത്.

ദുബൈ സര്‍ക്കാറിന്‍റെ പേപ്പര്‍ രഹിത പേമെന്‍റ് സംവിധാനം എന്ന കാഴ്ചപ്പാടിനൊപ്പം ദുബൈ ടെന്‍ എക്സ് സംരംഭത്തിന്‍റെ ഭാഗമായി കൂടിയാണ് പദ്ധതി നടപ്പാക്കുന്നത്. ദുബൈയില്‍ ആസ്തികള്‍ വാങ്ങാന്‍ ആഗ്രഹിക്കുന്ന വിദേശ നിക്ഷേപകര്‍ക്ക് എമിറേറ്റ്സ് എന്‍.ബി.ഡിയില്‍ നോണ്‍ റസിഡന്‍റ്സ് സേവിങ്സ് അക്കൗണ്ട് തുടങ്ങാനും അതുവഴി വസ്തുക്കള്‍ വാങ്ങാനും വാടക ഈടാക്കാനും സൗകര്യമുണ്ടാകും.

കടലാസ്‍രഹിത പേയ്മെന്‍റിനായുള്ള ദുബൈ സര്‍ക്കാറിന്‍റെ വീക്ഷണത്തിന് അനുസരിച്ചാണ് പുതിയ സംരംഭമെന്ന് ഡി.എല്‍.ഡി ഡയറക്ടര്‍ ജനറല്‍ സുല്‍ത്താന്‍ ബുത്തി ബിന്‍ മജ്രീന്‍ പറഞ്ഞു. എന്നാൽ വാടക നിരക്ക് ദുബായിൽ കൂടിത്തുടങ്ങിയതോടെ ഷാർജയിൽ നിന്നും മറ്റ് വടക്കൻ എമിറേറ്റുകളിൽ നിന്നും ഇവിടേക്ക് താമസം മാറ്റുന്നവരുടെ എണ്ണം കുറയുന്നു. കോവിഡിനെ തുടർന്ന് കഴിഞ്ഞ രണ്ടു വർഷം ദുബായിൽ പല മേഖലകളിലും വാടക കുറഞ്ഞിരുന്നു.

എന്നാൽ, കഴിഞ്ഞ വർഷം അവസാനം മുതൽ വിപണി കൂടുതൽ സജീവമായതോടെ ദുബായിൽ പലയിടത്തും വാടക നിരക്കും കൂടിയിട്ടുണ്ട്.
ഈ വർഷവും ഇതേ നിലയിൽ വാടക കൂടുമെന്ന് മേഖലയിലുള്ളവരും ചൂണ്ടിക്കാട്ടുന്നു. ബിസിനസ് ബേ, ഗ്രീൻസ്, ദെയ്റ, ദുബായ് സ്പോർട്സ് സിറ്റി, പാം ജുമൈറ എന്നിവിടങ്ങളിലെ വാടക നിരക്ക് ഉയർന്നിട്ടുണ്ട്.

2012ലെ ഉയർന്ന നിലയിലേക്കു വാടക കൂടിക്കൊണ്ടിരിക്കുകയാണെന്നാണ് വിലയിരുത്തൽ.. 2019ൽ കോവിഡ് വന്നതോടെ വാടക പല മേഖലയിലും വല്ലാതെ താഴ്ന്നു.എന്നാൽ ഇപ്പോൾ വിപണി വീണ്ടും സജീവമാകുകയും റിയൽ എസ്റ്റേറ്റ് മേഖലയിൽ ഉൾപ്പെടെ ഉണർവ് കാണുകയും ചെയ്തതോടെ മിക്ക മേഖലയിലും വാടക ഉയർന്നു തുടങ്ങി.രാവിലെ ഷാർജയിൽ നിന്നും മറ്റും മണിക്കൂറുകൾ ഗതാഗത കുരുക്കിൽ കിടന്ന് വരുന്നത് ഒഴിവാക്കാനാണ് മിക്കവരും ദുബായിലേക്ക് താമസം മാറുന്നത്.