സ്വർണത്തിളക്കത്തിൽ നടന്‍ ജയറാം...! യു.എ.ഇ ഗോള്‍ഡന്‍ വിസയ്ക്ക് അർഹനായി താരം, യുഎഇയുടെ ബഹുമതി ഒരുക്കിത്തന്ന എം.എ. യൂസഫലിക്കും പ്രവാസി മലയാളികള്‍ക്കും നന്ദിയുണ്ടെന്ന് ജയറാം...
യുഎഇ ഗോള്‍ഡന്‍ വിസ സ്വീകരിച്ച്‌ നടന്‍ ജയറാം. അബുദാബിയില്‍ നടന്ന ചടങ്ങില്‍ 10 വര്‍ഷത്തെ വിസ പതിച്ച എമിറേറ്റ്‌സ് ഐഡി, ലുലു ഗ്രൂപ്പ് ചെയര്‍മാന്‍ എം.എ. യൂസഫലി ജയറാമിനു കൈമാറി.ഗോള്‍ഡന്‍ വിസ ലഭിച്ചതില്‍ ഏറെ സന്തോഷമുണ്ടെന്ന് ജയറാം പ്രതികരിച്ചു. യുഎഇയുടെ ബഹുമതി ഒരുക്കിത്തന്ന എം.എ. യൂസഫലിക്കും പ്രവാസി മലയാളികള്‍ക്കും നന്ദിയുണ്ടെന്നും ജയറാം പറഞ്ഞു.
വ്യാഴാഴ്ച്ചയാണ് താരം അബുദാബിയിലെത്തി ഗോള്‍ഡന്‍ വിസ സ്വീകരിച്ചത്. ഗവ. ഉദ്യോഗസ്ഥര്‍, ലുലു ഗ്രൂപ്പ് ചെയര്‍മാന്‍ എം എ യൂസഫലി, ലുലു ഗ്രൂപ്പിന്റെ മാര്‍ക്കറ്റിങ് & കമ്മ്യൂണിക്കേഷന്‍സ് ഡയറക്ടര്‍ വി. നന്ദകുമാര്‍, മീഡിയാ സെക്രട്ടറി ബിജു കൊട്ടാരത്തില്‍ തുടങ്ങിയവരുടെ സാന്നിധ്യത്തിലാണ് അദ്ദേഹം ഗോള്‍ഡന്‍ വിസ സ്വീകരിച്ചത്.
കലാ സാംസ്കാരിക രംഗത്തെ പ്രമുഖര്‍ക്കാണ് യുഎഇ ഗോള്‍ഡന്‍ വിസ സമ്മാനിക്കുന്നത്. 10 വര്‍ഷമാണ് യുഎഇ ഗോള്‍ഡന്‍ വിസയുടെ കാലാവധി.നേരത്തെ, മലയാള ചലച്ചിത്ര താരങ്ങള്‍ ഉള്‍പ്പെടെ നിരവധി പേര്‍ക്ക് യുഎഇ ഗോള്‍ഡന്‍ വിസ ലഭിച്ചിരുന്നു. മമ്മൂട്ടി, മോഹന്‍ലാല്‍, ടൊവിനോ തോമസ്, പൃഥ്വിരാജ്, ജയസൂര്യ, ദുല്‍ഖര്‍ സല്‍മാന്‍,
ആശാ ശരത്ത്, ആസിഫ് അലി, മീരാ ജാസ്മിന്‍, മീന, ഇടവേള ബാബു, സിദ്ദിഖ്, സുരാജ് വെഞ്ഞാറമൂട്, പ്രണവ് മോഹന്‍ലാല്‍, മനോജ് കെ ജയന്‍, നിവിന്‍ പോളി. ദിലീപ് എന്നീ താരങ്ങള്‍ക്കും ഗായിക കെ എസ് ചിത്രയ്ക്കും, ഗായകന്‍ എം ജി ശ്രീകുമാര്‍, നിര്‍മ്മാതാവ് ആന്റോ ആന്റണി, നാദിര്‍ഷാ, ആന്റണി പെരുമ്ബാവൂര്‍ സംവിധായകരായ സലീം അഹമ്മദ്, സന്തോഷ് ശിവന്‍ തുടങ്ങിയവര്‍ക്കും ഗോള്‍ഡന്‍ വിസ ലഭിച്ചിരുന്നു. മലയാള ചലച്ചിത്ര രംഗത്ത് നിന്ന് നടിയും അവതാരകയുമായ നൈല ഉഷയ്ക്കും അവതാരകനും നടനുമായ മിഥുന്‍ രമേശിനും ഗോള്‍ഡന്‍ വിസ ലഭിച്ചിട്ടുണ്ട്.
https://www.facebook.com/Malayalivartha
