പ്രവാസികൾക്ക് യു.എ.ഇയുടെ "ഗോൾഡൻ സർപ്രൈസ്", നിനച്ചിരിക്കാത്ത നേരത്ത് പലർക്കും കിട്ടിത്തുടങ്ങി, ഭാഗ്യം ലഭിച്ചവരിൽ നിരവധി മലയാളികളും...!
സാധാരണയായി യുഎഇ വിസ രണ്ട് വർഷത്തേക്കാണ് വിസ അനുവദിക്കുന്നത്. രണ്ട് വർഷം കൂടുമ്പോൾ ഇത് പുതുക്കണം. എന്നാൽ എംപ്ലോയ്മെന്റ് വിസയ്ക്ക് പകരം 10 വർഷത്തേക്കുള്ള വിസ അനുവദിക്കുന്ന പദ്ധതിയാണ് യുഎഇ ഗോൾഡൻ വിസ.പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമാണ് യുഎഇ ഗോൾഡൻ വിസ പദ്ധതി പ്രഖ്യാപിച്ചത്.
10 വർഷത്തേക്ക് ലഭിക്കുന്ന യു.എഇ ഗോൾഡൻ വിസ കോവിഡ് കാലത്ത് സേവനം ചെയ്ത ആരോഗ്യ രംഗത്തെ മുന്നിര പോരാളികള്ക്ക് അനുവദിച്ചുതുടങ്ങി. പുതുതായി വിസ ലഭിച്ച മുന്നിര പോരാളികളിൽ നിരവധി മലയാളികളും ഉള്പ്പെട്ടിട്ടുണ്ട്. നേരത്തേ സര്ക്കാര് വൃത്തങ്ങള് ഇത്തരക്കാര്ക്ക് ഗോള്ഡന് വിസ നല്കുമെന്ന് പ്രഖ്യാപിച്ചിരുന്നു.
അപേക്ഷ നല്കാതെ തന്നെ പലര്ക്കും അപ്രതീക്ഷിതമായി പത്തുവര്ഷ റെസിഡന്സി വിസ ലഭിച്ചിരിക്കുന്നത്. നഴ്സുമാര്, ഫാര്മസിസ്റ്റുകള്, ആംബുലന്സ് ജീവനക്കാര്, മറ്റു ജീവനക്കാര് എന്നിവരെല്ലാം വിസ ലഭിച്ചവരിലുണ്ട്. രണ്ടു വര്ഷത്തെ വിസയില് പ്രവര്ത്തിക്കുന്ന ഇവരുടെ സ്റ്റാറ്റസ് ഫെഡറല് അതോറിറ്റി ഫോര് ഐഡന്റിറ്റി ആന്ഡ് സിറ്റിസന്ഷിപ്പ് ആപ്പില് പരിശോധിച്ചപ്പോഴാണ് വിസ അപ്ഗ്രേഡ് ആയത് അറിയുന്നത്.
ഇവരുടെ കുടുംബങ്ങള്ക്കും ആനുകൂല്യം ലഭിക്കും.ദുബൈയിലും അബുദബിയിലും മറ്റു എമിറേറ്റുകളിലും നിരവധി പേര്ക്ക് ഇത്തരത്തില് വിസ ലഭിച്ചിട്ടുണ്ട്. ഇനിയും കൂടുതല് പേര്ക്ക് ലഭിക്കുമെന്നാണ് അറിയുന്നത്. രാജ്യത്തെ ആശുപത്രികളിലെ ഡോക്ടര്മാര്ക്ക് നേരത്തേ ഗോള്ഡന് വിസ ലഭ്യമാക്കിയിരുന്നു.
അതേസമയം മികച്ച വിദ്യാര്ത്ഥികള്ക്കായി ഗോള്ഡന് വിസയും സ്കോളര്ഷിപ്പുകളും ദുബൈ കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം പ്രഖ്യാപിച്ചിരുന്നു.ഏറ്റവും മികച്ച എമിറാത്തി ഗ്രേഡ് 12 വിദ്യാര്ത്ഥികള്ക്കാണ് സ്കോളര്ഷിപ്പുകള് നല്കുക.
മികവ് പുലര്ത്തുന്ന പ്രവാസികളുടെ മക്കള്ക്കും അവരുടെ കുടുംബത്തിനും 10 വര്ഷത്തെ ഗോള്ഡന് വിസ അനുവദിക്കും. 50 ഹൈസ്കൂള് വിദ്യാര്ത്ഥികള്ക്ക് സാമ്പത്തിക പാരിതോഷികവും നല്കും. കഴിഞ്ഞ വര്ഷം മുതല് 12-ാം ക്ലാസില് മികച്ച വിജയം നേടുന്ന വിദ്യാര്ത്ഥികള്ക്ക് ഗോള്ഡന് വിസ നല്കി വരുന്നുണ്ട്.
പ്ലസ് ടു പരീക്ഷയിൽ മികച്ച വിജയം നേടിയ വിദ്യാർഥികൾക്കും അവരുടെ കുടുംബാംഗങ്ങൾക്കും യുഎഇ ഗോൾഡൻ വിസക്ക് അർഹരാണ്. ദുബായ് ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്, കസ്റ്റംസ്, പോർട്ട് സെക്യൂരിറ്റി ആണ് ഇക്കാര്യം അറിയിച്ചത്.
താൽപര്യമുള്ളവർ അതോറിറ്റി വെബ്സൈറ്റിലൂടെ അപേക്ഷിക്കണം. 94.4% കുട്ടികളും വിജയിച്ച സ്കൂളുകളിലെ വിദ്യാർഥികൾക്കാണ് ഊ ആനുകൂല്യം ലഭിക്കുന്നത്. പഠനത്തിൽ മികവ് പുലർത്തുന്ന വിദ്യാർഥികൾക്ക് ദീർഘകാല വിസ അനുവദിക്കുമെന്ന് ദുബായ് നേരത്തെ പ്രഖ്യാപിച്ചിരുന്നു.
https://www.facebook.com/Malayalivartha
