'അഡാറ് കണ്ണിറുക്കലിനെ' അനുകരിച്ച് സോഷ്യല്‍ മീഡിയയില്‍ താരമായിരിക്കുകയാണ് ഒരു കൊച്ചു സുന്ദരി. അപ്രതീക്ഷിതമായി ക്യാമറ കണ്ണുകളില്‍ ഉടക്കിയ ഈ സുന്ദരിയുടെ സൈറ്റടി (കണ്ണിറുക്കല്‍) വൈറലായിരിക്കുകയാണ്.

ഇരു കൈയ്യും നീട്ടിയാണ് സോഷ്യല്‍ മീഡിയ ഈ കൊച്ചു സുന്ദരിയെ സ്വീകരിച്ചിരിക്കുന്നത്. ഇതിലും മനോഹരമായ കണ്ണിറുക്കല്‍ ഇനി സ്വപ്നങ്ങളില്‍ മാത്രമാണെന്നാണ് സോഷ്യല്‍ മീഡിയ പറയുന്നത്. ചുരുങ്ങിയ സമയം കൊണ്ട് ലൈക്കുകളും ഷെയറുകളും വാരിക്കൂട്ടി കഴിഞ്ഞു ഈ സുന്ദരി കുട്ടി.

ഒമര്‍ ലുലുവിന്റെ ഒരു അഡാര്‍ ലൗവിലെ മാണിക്യമലരായ പൂവേ എന്ന പാട്ടിലെ പുരികം കൊണ്ടും കണ്ണുകൊണ്ടും ഉള്ള അഭിനയത്തിലൂടെ നടി പ്രിയാവാര്യര്‍ പ്രേക്ഷക മനസ് കീഴടക്കിയിരുന്നു. പ്രിയയുടെ കണ്ണിറുക്കല്‍ വലിയ രീതിയിലാണ് ആരാധകര്‍ ഏറ്റെടുത്തത്. രാഹുല്‍ ഗാന്ധിയുടെ കണ്ണിറുക്കല്‍ വരെ പ്രിയയുടെ കണ്ണിറുക്കലുമായി ചേര്‍ത്ത് വച്ച് വലിയ പ്രചാരണമുണ്ടായിരുന്നു.

പ്രിയാവാര്യറേയും കടത്തി വെട്ടിയാണ് ഈ കുഞ്ഞ് വാവയുടെ പ്രകടനമെന്നാണ് സോഷ്യല്‍മീഡിയയിലെ അഭിപ്രായം. ക്യാമറയ്ക്ക് മുന്നില്‍ കണ്ണ് ചിമ്മുന്ന 15 സെക്കന്റ് വീഡിയോ ലക്ഷക്കണക്കിന് ആളുകളാണ് ഇതുവരെ കണ്ടത്.

വാട്‌സാപ് സ്റ്റാറ്റസുകളായും ജിഫ് ആയുമെല്ലാം ഇതിനോടകം കുഞ്ഞ് വാവയുടെ കണ്ണിറുക്കല്‍ മാറി. എന്തായാലും അറിഞ്ഞോ അറിയാതെയോ ആണെങ്കിലും മനോഹരമായി കണ്ണിറുക്കിയ കുഞ്ഞിനെ കണ്ണു വയ്ക്കരുതെന്നാണ് സോഷ്യല്‍ മീഡിയയുടെ അഭ്യര്‍ത്ഥന.