മലയാള സിനിമയിലെ ജനപ്രിയ നായകനായ ദിലീപിന്റെ കുടുംബവിശേഷങ്ങളെക്കുറിച്ചെല്ലാം പറഞ്ഞ് ആരാധകര്‍ വീണ്ടും എത്തിയിരിക്കുകയാണ്. 2018 ഒക്ടോബര്‍ 19നായിരുന്നു മഹാലക്ഷ്മി ജനിച്ചത്. ഇത്തവണത്തെ പിറന്നാളാഘോഷം എങ്ങനെയാണെന്നുള്ള ചോദ്യങ്ങളുമായും ആരാധകരെത്തിയിട്ടുണ്ട്.

ഒന്നാം പിറന്നാള്‍ ദിനത്തിലായിരുന്നു മഹാലക്ഷ്മിയുടെ ചിത്രങ്ങള്‍ ആദ്യമായി സോഷ്യൽമീഡിയയിലൂടെ പുറത്തുവന്നത്. ഇപ്പോഴിതാ രണ്ടാം പിറന്നാളിന് മഹാലക്ഷ്മിയുടെ ചിത്രങ്ങള്‍ പങ്കു വെച്ചിരിക്കുകയാണ് താര ദമ്ബതികൾ.

പ്രേക്ഷകര്‍ക്ക് ഏറെ പ്രിയപ്പെട്ട താരകുടുംബങ്ങളിലൊന്നാണ് ദിലീപും കാവ്യ മാധവനും. ബാലതാരമായി അരങ്ങേറിയ കാവ്യ മാധവന്‍ പിന്നീട് നായികയായി മാറുകയായിരുന്നു. ദിലീപായിരുന്നു ആദ്യ സിനിമയിലെ നായകന്‍. ജീവിതത്തിലെ നായകനും അദ്ദേഹം തന്നെയായി മാറുകയായിരുന്നു. രണ്ടാം വിവാഹമാണ് ഇരുവരുടേതും. സിനിമയ്ക്കപ്പുറത്ത് വ്യക്തി ജീവിതത്തില്‍ അടുത്ത സൗഹൃദം സൂക്ഷിച്ചിരുന്നു ഇരുവരും. ഇവര്‍ പ്രണയത്തിലാണെന്ന തരത്തിലുള്ള റിപ്പോര്‍ട്ടുകള്‍ വളരെ മുന്‍പേ പ്രചരിച്ചിരുന്നു.

മകള്‍ മീനാക്ഷിയാണ് തന്നെ രണ്ടാം വിവാഹത്തിനായി പ്രേരിപ്പിച്ചതെന്ന് ദിലീപ് പറഞ്ഞിരുന്നു. കാവ്യ മാധവനുമായി മീനൂട്ടിക്കും സൗഹൃദമുണ്ടായിരുന്നു. അവസാനനിമിഷമായിരുന്നു ദിലീപ് വിവാഹത്തെക്കുറിച്ച് പരസ്യമായി പ്രഖ്യാപിച്ചത്. വിവാഹത്തോടെ കാവ്യ മാധവന്‍ സിനിമയില്‍ നിന്നും ഇടവേളയെടുക്കുകയായിരുന്നു.