എല്ലാവര്‍ക്കും സൗജന്യ വാക്‌സിന്‍;മോദി ഞെട്ടിച്ചു; ബിഹാറിലെ പ്രകടന പത്രിക രാജ്യത്തിന് ആകെ ബാധകം; 19 ലക്ഷം യുവാക്കള്‍ക്ക് തൊഴില്‍ അവസരം; 30 ലക്ഷം പാവപ്പെട്ടവര്‍ക്ക് വീട്; വാക്‌സിന്‍ മാര്‍ച്ചില്‍ എത്തിക്കുമെന്ന് സിറം ഇന്‍സ്റ്റിറ്റ്യൂട്ട് ഓഫ് ഇന്ത്യ
കോവിഡ് കാലത്തെ തിരഞ്ഞെടുപ്പിന് കോവിഡ് കാലത്തിന് അനുയോജ്യമായ പ്രകടന പത്രിക. ബിഹാര്‍ തിരഞ്ഞെടുപ്പിന്റെ ഭാഗമായി ബി.ജെ.പി പുറത്തിറക്കിയ പ്രകടന പത്രിക എതിരാളികളെയും ഞെട്ടിപ്പിക്കുന്ന വാഗ്ദാനങ്ങള്‍. കൊവിഡ് 19 കാലത്ത് ശക്തമായ ഏറ്റുമുട്ടല്‍ നടക്കുന്ന ബിഹാര്‍ തെരഞ്ഞെടുപ്പില്‍ വോട്ടര്‍മാര്‍ക്ക് വന്‍ വാഗ്ദാനങ്ങളുമായിയാണ് ബിജെപിയുടെ പ്രകടന പത്രിക ഇറങ്ങിയിരിക്കുന്നത്. കേന്ദ്ര ധനമന്ത്രി നിര്‍മലാ സീതാരാമനും മുതിര്‍ന്ന ബിജെപി നേതാക്കളായ ഭൂപേനദര്‍ യാദവ്, നിത്യാനന്ദ് റായ്, അശ്വിന്‍ ചൗബേ, പ്രമോദ് കുമാര്‍ എന്നിവരും ചേര്‍ന്നാണ് പട്‌നയില്‍ വെച്ച് പ്രകടന പത്രിക പുറത്തിറക്കിയത്.
എല്ലാവര്‍ക്കും സൗജന്യമായി കോവിഡ് വാക്‌സിന്‍ നല്‍കുമെന്നും 19 ലക്ഷം യുവാക്കള്‍ക്ക് തൊഴിലവസരങ്ങള്‍ സൃഷ്ടിക്കുമെന്നുമാണ് ബിജെപിയുടെ വാഗ്ദാനം. പ്രധാനമന്ത്രിയുടെ 'സ്വയംപര്യാപ്ത ഭാരതം' പദ്ധതിയിലൂന്നിയതാണ് പ്രകടനപത്രികയെന്നാണ് ദേശീയ മാധ്യമങ്ങളുടെ റിപ്പോര്‍ട്ട്. സ്വയം പര്യാപ്ത ബിഹാര്‍ എന്നാണ് പ്രകടനപത്രികയിലെ വിശേഷണം. രാജ്യത്ത് കോവിഡ് വാക്‌സിന്‍ ഇപ്പോള്‍ പരീക്ഷണഘട്ടത്തിലാണെന്നും ഇത് വ്യാവസായികാടിസ്ഥാനത്തില്‍ ഉത്പാദിപ്പിച്ചു തുടങ്ങുന്നതോടെ ബിഹാറിലെ എല്ലാവര്‍ക്കും സൗജന്യമായി വിതരണം ചെയ്യുമെന്ന് നിര്‍മലാ സീതാരാമന്‍ വ്യക്തമാക്കി. പ്രകടനപത്രികയിലെ ഏറ്റവുമാദ്യത്തെ വാഗ്ദാനം ഇതാണെന്നും നിര്‍മലാ സീതാരാമന്‍ വ്യക്തമാക്കി.
അഞ്ച് വര്‍ഷത്തിനിടെ 19 ലക്ഷം പുതിയ തൊഴിലവസരങ്ങള്‍, ദര്‍ഭംഗയില്‍ പുതിയ എഐഐഎംഎസ്, മൂന്ന് ലക്ഷം പുതിയ അധ്യാപകരെ നിയമിക്കും, 2022ഓടു കൂടി 30 ലക്ഷം പാവപ്പെട്ടവര്‍ക്ക് വീട്, രണ്ട് വര്‍ഷത്തിനുള്ളില്‍ പുതിയ പാല്‍ സംസ്‌കരണകേന്ദ്രങ്ങള്‍, അരിയ്ക്കും ഗോതമ്പിനും പുറമെ പയര്‍ വര്‍ഗങ്ങള്‍ക്കും മിനിമം താങ്ങുവില, ആരോഗ്യമേഖലയില്‍ ഒരു ലക്ഷം തൊഴില്‍ എന്നിവയാണ് പ്രകടനപത്രികയിലെ വാഗ്ദാനങ്ങള്‍.
എന്‍ഡിഎ ഭരണത്തിനു കീഴില്‍ സംസ്ഥാനത്തെ മൊത്തം ആഭ്യന്തര വളര്‍ച്ച വന്‍തോതില്‍ ഉയര്‍ന്നതായി നിര്‍മലാ സീതാരാമന്‍ വ്യക്തമാക്കി. മുന്നണി വിജയിച്ചാല്‍ നിതീഷ് കുമാര്‍ തന്നെയായിരിക്കും അടുത്ത അഞ്ച് വര്‍ഷവും മുഖ്യമന്ത്രിയെന്നും നിര്‍മലാ സീതാരാമന്‍ വ്യക്തമാക്കിയതായി എഎന്‍ഐ റിപ്പോര്‍ട്ട് ചെയ്തു. നിതീഷ് കുമാറിനു കീഴില്‍ ബിഹാര്‍ രാജ്യത്തെ വികസിത സംസ്ഥാനമായി മാറുമെന്നും നിര്‍മലാ സീതാരാമന്‍ വ്യക്തമാക്കി.
രാജ്യത്ത് മാര്‍ച്ചില്‍ കോവിഡ് വാക്‌സിന്‍ ലഭ്യമാക്കാന്‍ സാധിക്കുമെന്ന് സിറം ഇന്‍സ്റ്റിറ്റ്യൂട്ട്. മാര്‍ച്ചോടെ കോവിഡ് വാക്‌സിന്‍ വാക്‌സിന്‍ പുറത്തിറക്കാന്‍ സാധിക്കുമെന്നാണ് പ്രതീക്ഷയെന്ന് സിറം ഇന്‍സ്റ്റിറ്റ്യൂട്ട് ഓഫ് ഇന്ത്യ വ്യക്തമാക്കിയിരുന്നു. അതെ സമയം അടുത്ത വര്‍ഷം ആദ്യത്തോടെ കോവിഡ് 19 പ്രതിരോധ വാക്‌സിന്‍ ഇന്ത്യയില്‍ ലഭ്യമാകുമെന്ന് കേന്ദ്ര ആരോഗ്യമന്ത്രി ഡോ. ഹര്‍ഷവര്‍ധന്‍ പറയുന്നത്. ഒന്നിലധികം സ്രോതസ്സുകളില്‍നിന്ന് വാക്‌സിന്‍ ലഭ്യമാകുമെന്നും മന്ത്രി വ്യക്തമാക്കി. അടുത്ത വര്‍ഷം ആദ്യത്തോടെ ഒന്നിലധികം സ്രോതസ്സുകളില്‍നിന്നായി വാക്‌സിന്‍ ലഭ്യമാകുമെന്നാണ് പ്രതീക്ഷിക്കുന്നത്. ആര്‍ക്കാണ് ആദ്യം വാക്‌സിന്‍ ലഭ്യമാക്കേണ്ടത് എന്നുതുടങ്ങി രാജ്യത്ത് വാക്‌സിന്‍ വിതരണം നടത്തുന്നത് സംബന്ധിച്ച് വിദഗ്ധ സംഘം ഇതിനകം തന്നെ മാനദണ്ഡങ്ങള്‍ രൂപപ്പെടുത്തുകയും ആസൂത്രണങ്ങള്‍ നടത്തുകയും ചെയ്തു. അതിനൊപ്പം തന്നെ കോള്‍ഡ് ചെയിന്‍ സൗകര്യങ്ങള്‍ ശക്തിപ്പെടുത്തുന്നുണ്ടെന്നും മന്ത്രി പറഞ്ഞു.
ഒരു സംസ്ഥാനത്തിന് മാത്രമായി സൗജന്യ വാക്‌സിന്‍ നല്‍കാന്‍ സാധിക്കില്ല. അതുകൊണ്ടു തന്നെ മറ്റു സംസ്ഥാനങ്ങളിലെ ജനങ്ങള്‍ക്കും കേന്ദ്ര സര്‍ക്കാരിന് സൗജന്യ നിരക്കില്‍ തന്നെ വാക്‌സിനുകള്‍ നല്‍കേണ്ടി വരും. ഇത് വളരെ പ്രതീക്ഷ നല്‍കുന്ന പ്രഖ്യാപനം ആകുന്നതും അതുകൊണ്ടു തന്നെയാണ്. കൊറോണ വാക്‌സിന്‍ സര്‍ക്കാര്‍ സൗജന്യമായി ജനങ്ങള്‍ക്ക് നല്‍കുമെന്ന് സിറം ഇന്‍സ്റ്റിറ്റിയൂട്ട് നേരത്തെ വ്യക്തമാക്കിയിരുന്നു. ഉത്പാദിപ്പിക്കുന്ന വാക്‌സിന്‍ ജനങ്ങള്‍ക്ക് പണം കൊടുത്തു വാങ്ങേണ്ടി വരില്ലെന്ന് സിറംകമ്പനി സിഇഒ അദാര്‍ പൂനാവാല പറഞ്ഞത്. വാക്‌സിന്റെ ഭൂരിഭാഗവും വാങ്ങുന്നത് വിവിധ സര്‍ക്കാരുകളായിരിക്കും. ഇമ്മ്യൂണൈസേഷന്‍ പദ്ധതിയുടെ ഭാഗമായി ഈ വാക്‌സിനുകള്‍ ജനങ്ങള്‍ക്ക് സൗജന്യമായി വിതരണം ചെയ്യപ്പെടുമെന്നും അദ്ദേഹം വ്യക്തമാക്കി.
https://www.facebook.com/Malayalivartha
