കൊവിഡ് അനുഭവം വീഡിയോ ആക്കി ജിത്തു ജോസഫിന്റെ മകള്; രാത്രിയും പകലുകളും കടന്നു പോയി, കൂട്ടായുള്ളത് നിഴല് മാത്രം; ഗന്ധമറിയാനുള്ള കഴിവ് നഷ്ടപ്പെട്ടു, ശ്വാസമെടുക്കാന് ബുദ്ധിമുട്ടി, എങ്കിലും പ്രതീക്ഷ കൈവിടാതെ കാത്തിരുന്നു, വൈറലായി വീഡിയോ
കൊവിഡ് പോസിറ്റീവായിരുന്ന മകളുടെ അതിജീവനകഥ പങ്കുവച്ച് സംവിധായകന് ജിത്തു ജോസഫ്. രോഗം സ്ഥിരീകരിച്ച് വീട്ടില് ക്വാറന്റൈനിലായിരുന്ന നാളില് മകള് തയ്യാറാക്കിയ ഹ്രസ്വ വീഡിയോ ആണ് ജിത്തു പങ്കുവച്ചിരിക്കുന്നത്.
ഇളയ മകള് കറ്റീനാ ആന് ആണ് 'ഇതും കടന്നു പോകും' എന്ന പേരില് വൈറസ് ബാധിച്ച നാളുകളിലെ തന്റെ ദിവസങ്ങളും ചിന്തകളും ദൃശ്യവല്ക്കരിച്ചിരിക്കുന്നത്.
ഏപ്രില് 18ന് ക വിഡ് പോസിറ്റീവ് ആണെന്ന് കണ്ടെത്തിയതിനെ തുടര്ന്നുള്ള 13 ദിവസങ്ങള് വീട്ടില് ക്വാറന്റൈനിലായിരുന്നു കറ്റീന. ആ ദിവസങ്ങളില് ചിലപ്പോഴൊക്കെ ഭയവും ഏകാന്തതയും തന്നെ വേട്ടയാടിയിരുന്നെന്ന് കറ്റീന വീഡിയോയില് പറയുന്നു.
രാത്രിയും പകലുകളും കടന്നു പോയി, കൂട്ടായുള്ളത് നിഴല് മാത്രം, ലോകം തന്നെ കീഴ്മേല് മറിയുന്നതായി അനുഭവപ്പെട്ടെന്നാണ് ഈ ദിവസങ്ങളിലൂടെ കടന്നുപോയ തന്റെ അവസ്ഥയെക്കുറിച്ച് കറ്റീന പറഞ്ഞിരിക്കുന്നത്.
ഗന്ധമറിയാനുള്ള കഴിവ് നഷ്ടപ്പെട്ടു, ശ്വാസമെടുക്കാന് ബുദ്ധിമുട്ടി, എങ്കിലും പ്രതീക്ഷ കൈവിടാതെ കാത്തിരുന്നു. കൊവിഡ് നെഗറ്റീവായതിനു ശേഷം പുറത്തിറങ്ങിയ തനിക്ക്
മുന്നില് ഒരു പുതിയ ലോകം വെളിപ്പെടുകയായിരുന്നു എന്നാണ് കറ്റീനയുടെ വാക്കുകള്. ആശങ്കയുടെ ദിനങ്ങളാണെങ്കിലും ഇതും കടന്നു പോകും എന്ന ശുഭപ്രതീക്ഷയോടെയാണ് വീഡിയോ അവസാനിക്കുന്നത്.
https://www.facebook.com/Malayalivartha