കോവിഡില് നിന്ന് മുക്തനാകുന്നത് മാന് വേഴ്സസ് വൈല്ഡിലെ ഒരു എപ്പിസോഡില് ജീവിക്കുന്നത് പോലെ: എല്. ബാലാജി
കോവിഡില് നിന്നും മുക്തനാകുന്നത് വളരെ സാഹസികമായ കാര്യമായിരുന്നെന്ന് ലക്ഷ്മിപതി ബാലാജി. സാഹസിക ടെലിവിഷന് പരിപാടിയായ മാന് വേഴ്സസ് വൈല്ഡിലെ ഒരു എപ്പിസോഡില് ജീവിക്കുന്നത് പോലെ ആയിരുന്നു എന്നാണ് ബാലാജി തന്റെ കോവിഡ് രോഗ കാലത്തെ താരതമ്യം ചെയ്തത്.
മേയ് നാലിന് താരങ്ങളിലെ കോവിഡ് ബാധ മൂലം നിര്ത്തിവെച്ച ഐപിഎല്ലില് ചെന്നൈ ടീമിന്റെ ബോളിങ് പരിശീലകനായിരുന്നു ബാലാജി. ചെന്നൈ ടീം അംഗങ്ങളില് രോഗ ബാധിതരായതില് ഒരാളും ബാലാജിയായിരുന്നു.
സണ്റൈസേഴ്സ് ഹൈദരാബാദിലെ വൃദ്ധിമാന് സാഹയും, കൊല്ക്കത്ത നൈറ്റ് റൈഡേഴ്സ് ബോളര്മാരായ വരുണ് ചക്രവര്ത്തി, സന്ദീപ് വാരിയര് എന്നിവരും ഡല്ഹി ക്യാപിറ്റല്സ് തരാം അമിത് മിശ്രയും കോവിഡ് പോസിറ്റീവ് ആയതിനെ തുടര്ന്നാണ് ഐപിഎല് നിര്ത്തിവെച്ചത്.
"മേയ് 02ന്, എനിക്ക് ചെറിയ അസ്വസ്ഥതകള് അനുഭവപെട്ടു. എനിക്ക് ചെറിയ ശരീര വേദനയും മൂക്കടപ്പും ഉണ്ടായിരുന്നു. അന്ന് തന്നെ ഞാന് ടെസ്റ്റ് ചെയ്തു, മേയ് 3ന് രാവിലെ എനിക്ക് പോസിറ്റീവാണെന്ന് റിസള്ട്ട് വന്നു.
ഞാന് ഞെട്ടി പോയി. ബയോ ബബിളിന്റെ സുരക്ഷിതത്വത്തില് നിന്ന് എന്നെയോ മറ്റുളവരെയോ അപകടത്തിലാക്കുന്ന ഒരു മാനദണ്ഡ ലംഘനവും ഞാന് നടത്തിയട്ടിലായിരുന്നു." 39 ക്കാരനായ ബാലാജി പറഞ്ഞു.
"ഞാന് ഐസൊലേഷനില് ആയിരുന്നപ്പോള്, എന്റെ തലയിലൂടെ ഒരു ചിന്ത കടന്നുപോയി. കോവിഡില് നിന്നും മുക്തനാകുന്നത്, ശാരീരികമായും മാനസികമായും മാന് vs വൈല്ഡിന്റെ ഒരു എപ്പിസോഡ് അനുഭവിക്കുന്ന പോലെയാണ്." "ഞാന് പേടിച്ചിരുന്നോ?
ആദ്യമൊക്കെ, എനിക്ക് എന്റെ വികാരങ്ങളെ പുറത്ത് പ്രകടിപ്പിക്കാന് കഴിഞ്ഞിരുന്നില്ല. സുഹൃത്തുക്കളും കുടുംബാംഗങ്ങളും സന്ദേശങ്ങള് അയക്കാന് തുടങ്ങിയതിന് ശേഷം 24 മണിക്കൂര് കഴിഞ്ഞാണ് ഞാന് വിഷയത്തിന്റെ ഗൗരവത്തിലേക്ക് എത്തിയത്.
ഞാന് പേടിക്കാന് തുടങ്ങി. ഐസൊലേഷന്റെ രണ്ടാം ദിവസം ഞാന് സ്വയം ഞാന് മനസിലാക്കി, ഞാന് സ്വയം നിരീക്ഷിക്കണം. എന്റെ എല്ലാ ആരോഗ്യ വിവരങ്ങളും ഞാന് രേഖപ്പെടുത്തി. ശരിക്കും എനിക്ക് ഉത്കണ്ഠയുണ്ടായിരുന്നു." ബാലാജി പറഞ്ഞു.
ബാലാജിക്ക് പുറമെ ചെന്നൈയുടെ ബാറ്റിങ് പരിശീലകന് മൈക്കിള് ഹസ്സിയും പോസിറ്റീവ് ആയിരുന്നു. ഇരുവര്ക്കും മികച്ച പരിചരണം ലഭിക്കുന്നതിനായി ടീം മാനേജ്മെന്റ് ഇരുവരെയും ഡല്ഹിയില് നിന്ന് ചെന്നൈയിലേക്ക് എയര് ആംബുലന്സില് എത്തിച്ചിരുന്നു.
"ചെന്നൈയില് എത്തിയ ശേഷം ഡല്ഹിയില് വെച്ചുണ്ടായ ഉത്കണ്ഠ കോണ്ഫിഡന്സായി മാറിയിരുന്നു. മാനസികമായി ഞങ്ങള് പോസിറ്റീവായി. ഞാനും ഹസ്സിയും തുടരെ ഫോണിലൂടെ മെസ്സേജ് അയക്കാന് തുടങ്ങി. പുറത്തെ ആളുകളുടെ സ്ഥിതി വളരെ മോശമാണെന്ന് ഞങ്ങള് മനസിലാക്കി.
നല്ല പരിചരണം ലഭിക്കാന് ഞങ്ങള്ക്ക് ഭാഗ്യമുണ്ടായി. മേയ് 14ന് ഞാന് വീട്ടിലേക്ക് മടങ്ങി" ഇന്ത്യക്കായി 8 ടെസ്റ്റ് മത്സരങ്ങളും, 30 ഏകദിനങ്ങളും, അഞ്ച് ടി20 മത്സരങ്ങളും കളിച്ച ബാലാജി പറഞ്ഞു.
ഇന്ത്യയില് നിന്ന് വരുന്ന സ്വന്തം പൗരന്മാര്ക്ക് ഓസ്ട്രേലിയ രണ്ടാഴ്ച കാലത്തേക്ക് ഏര്പെടുത്തിയിരുന്ന യാത്ര വിലക്ക് മാറ്റിയ ശേഷം മേയ് 17ന് കോവിഡ് മുക്തനായ ഹസ്സി നാട്ടിലേക്ക് തിരിച്ചു പോയി.
https://www.facebook.com/Malayalivartha