ശരണ്യയുടെ 41-ാം ചരമദിനത്തില് സീമാ ജി നായരെ തേടി ആ നേട്ടം... ഇത് കണ്ട് മറ്റൊരു ലോകത്തിരുന്ന് അവൾ സന്തോഷിക്കും... നടി സീമ ജി നായര്ക്ക് മദര് തെരേസ പുരസ്കാരം! ഗവര്ണര് സമ്മാനിക്കും
സീരിയല്-സിനിമാതാരം സീമ ജി നായരെ കുറിച്ചുള്ള വാര്ത്തകളാണ് കഴിഞ്ഞ കുറച്ച് കാലങ്ങളായി പ്രചരിച്ച് കൊണ്ടിരിക്കുന്നത്. അര്ബുദ ബാധിതയായി അന്തരിച്ച നടി ശരണ്യ ശശിയ്ക്ക് താങ്ങും തണലുമായി നിന്ന നിന്നത് നടി സീമയായിരുന്നു. മകളെ പോലെ കണ്ട് ശരണ്യയുടെ എല്ലാ ആവശ്യങ്ങളിലും സീമ മുന്നില് നിന്നു. ശരണ്യയുടെ അവസാന നിമിഷങ്ങളിലും എല്ലാ കാര്യത്തിനും മുന്നിൽ നിന്നതും നടിയുടെ അമ്മയ്ക്ക് ആശ്വസമേകിയതുമെല്ലാം സീമയായിരുന്നു.
ഇപ്പോഴിതാ സീമയെ തേടി വലിയൊരു അംഗീകാരം തന്നെ തേടിയെത്തിയിരിക്കുകയാണ്. സാമൂഹികക്ഷേമ പ്രവർത്തന രംഗത്ത് ഉത്തമ മാതൃകയാകുന്ന വനിതകൾക്കായുള്ള കേരള ആർട്ട് ലവേഴ്സ് അസോസിയേഷനായ ‘കല’യുടെ പ്രഥമ മദർ തെരേസ പുരസ്കാരമാണ് താരത്തെ തേടിയെത്തിയിരിക്കുന്നത് . സെപ്റ്റംബര് 21 ചൊവ്വാഴ്ച രാജ് ഭവനില് നടക്കുന്ന ചടങ്ങില് ഗവര്ണര് ആരിഫ് മുഹമ്മദ് ഖാന് അവാര്ഡ് സമ്മാനിക്കും. 50,000 രൂപയും ഫലകവും പ്രശസ്തി പത്രവും അടങ്ങുന്നതാണ് അവാര്ഡ്.
ജീവകാരുണ്യമേഖലയില് സീമയുടെ പ്രവര്ത്തനങ്ങള് മാനിച്ചാണ് ഈ അവാര്ഡ്. "നടി ശരണ്യയുടെ ജീവന് രക്ഷിക്കാന് സീമ ത്യാഗനിര്ഭരമായ പ്രവര്ത്തനം നടത്തിയെങ്കിലും സീമയുടെ കാരുണ്യത്തിന്റെയും കരുതലിന്റെയും കൈപ്പിടിയില് നിന്ന് വഴുതി ശരണ്യ വിടപറഞ്ഞ് 41 ദിവസം തികയുന്ന നാളിലാണ് സീമയ്ക്ക് അവാര്ഡ് സമ്മാനിക്കപ്പെടുക. ഇത് ആകസ്മികമാണ്," 'കല'യുടെ രക്ഷാധികാരികളായ സുനില് ജോസഫ് കുഴാംപാല, ഇ എം രാധ, ലാലു ജോസഫ് എന്നിവര് വാര്ത്താക്കുറിപ്പില് പറയുന്നു.
കേരളത്തിലെ ജീവകാരുണ്യ സാമൂഹ്യക്ഷേമ പ്രവര്ത്തനങ്ങളില് മഹനീയ മാതൃകകള് സൃഷ്ടിക്കുന്ന വനിതകള്ക്കാണ് മദര് തെരേസ അവാര്ഡ് സമ്മാനിക്കുന്നതെന്ന് കേരള ആര്ട്ട്സ് ലവേഴ്സ് അസ്സോസിയേഷന് 'കല'യുടെ രക്ഷാധികാരിയും ദീപികയുടെ മുന് മാനേജിങ് ഡയറക്ടറുമായ അമേരിക്കന് മലയാളി സുനില് ജോസഫ് കൂഴാംപാല (ന്യൂയോര്ക്ക്) കലയുടെ ട്രസ്റ്റിയും വനിതാ കമ്മീഷന് അംഗവുമായ ഇ.എം. രാധ, കലയുടെ മാനേജിങ് ട്രസ്റ്റി ലാലു ജോസഫ് എന്നിവര് അറിയിച്ചു.
സിനിമാ സീരിയല് രംഗത്തെ അഭിനയ മികവിനു പുറമെ ആയിരത്തിലധികം വേദികളില് നാടകാഭിനയം കാഴ്ചവച്ചിട്ടുള്ള പ്രതിഭ കൂടിയാണ് സീമ ജി നായര്. മികച്ച നടിക്കുള്ള സംസ്ഥാന അമച്വര് നാടക, ടെലിവിഷന്, അവാര്ഡുകള് ഉള്പ്പടെ നിരവധി നേട്ടങ്ങള് ലഭിച്ചിട്ടുണ്ട്.
സീമയുടെ ജീവകാരുണ്യ പ്രവര്ത്തികള് മാനിച്ചാണ്, ദുഃഖിതരും ദുര്ബലരുമായ സഹജീവികള്ക്ക് മാതൃവാല്സല്യത്തോടെ തണലൊരുക്കിയ മദര് തെരേസയുടെ നാമത്തിലുളള അവാര്ഡ് സീമയ്ക്ക് നല്കുന്നത്. കലയുടെ ട്രസ്റ്റികളായ അഭിരാം കൃഷ്ണന്, സുഭാഷ് അഞ്ചല്, ബിജുപ്രവീണ് (എസ്.എല്. പ്രവീണ്കുമാര്) എന്നിവര് രാജ്ഭവനിലെ ചടങ്ങില് പങ്കെടുക്കും.
അതേ സമയം സീമയ്ക്ക് ആശംസകളും പിന്തുണയും അറിയിച്ച് ആരാധകരും എത്തിയിരിക്കുകയാണ്. സീമാ... ഓരോ ദിവസം കഴിയുംതോറും നിങ്ങളോടുള്ള ഇഷ്ട്ടം കൂടി കൂടി വരികയാണ്. നിങ്ങള് മറ്റുള്ളവര്ക്കു ഒരു മാതൃക ആണ്. നിങ്ങളുടെ എല്ലാ ആഗ്രഹങ്ങളും ദൈവം നടത്തി തരട്ടെ എന്ന് ആത്മാര്ത്ഥമായിട്ട് പ്രാര്ത്ഥിക്കുന്നു. സീമേച്ചി ഉയിരാണ് ശരണ്യേച്ചിയെയും നന്ദൂട്ടനേയും പൊന്നു പോലെ നോക്കുന്നത് കണ്ടപ്പോള് തുടങ്ങിയ സ്നേഹം ആണ് ചേച്ചിയോട് കാണാന് വലിയ ആഗ്രഹം ഉണ്ട് ചേച്ചി എന്നൊക്കെയാണ് ചില ആരാധകര് പറയുന്നത്.
https://www.facebook.com/Malayalivartha