പൃഥ്വിരാജിന് ആശംസകള് നേര്ന്ന് സുപ്രിയ! ജീവിതമെന്ന സാഹസത്തില് കൈ കോര്ത്ത് നടക്കുന്ന ഓരോ നിമിഷവും ഞാന് നിന്നെ സ്നേഹിക്കുന്നു... ഐ ലവ് യൂ..
സൂപ്പര്സ്റ്റാര് പൃഥ്വിരാജിന്റെ 39-ാം ജന്മദിനമാണ് ഇന്ന്. നടന്, സംവിധായകന്, നിര്മാതാവ് എന്നീ നിലകളിലെല്ലാം മലയാള സിനിമയില് തന്റേതായ സ്ഥാനം ഉറപ്പിച്ച പൃഥ്വിരാജിന് സിനിമാലോകം ഒന്നടങ്കം ജന്മദിനാശംസകള് നേരുകയാണ്. 1982 ഒക്ടോബര് 16 നാണ് അഭിനേതാക്കളായ സുകുമാരന്, മല്ലിക എന്നിവരുടെ രണ്ടാമത്തെ മകനായി പൃഥ്വിരാജ് ജനിച്ചത്.
ഇപ്പോഴിതാ പൃഥ്വിരാജിന് പിറന്നാളശംസകള് നേര്ന്ന് ഭാര്യ സുപ്രിയ മേനോന് രംഗത്തെത്തിയിരിക്കുകയാണ്. ഇന്സ്റ്റാഗ്രാമിലൂടെയാണ് സുപ്രിയ പിറന്നാള് ആശംസകള് നേര്ന്നത്. 'എനിക്കറിയാവുന്ന ഏറ്റവും ഊര്ജ്ജസ്വലനായ, വികാരാധീനനായ, ശ്രദ്ധാലുവായ മനുഷ്യൻ, ഞാനെപ്പോഴും കൂടെ നില്ക്കാനാഗ്രഹിക്കുന്ന, നേരുള്ള, ധാര്മ്മികനായ പ്രൊഫഷണലിന്, എനിക്കേറ്റവും പ്രിയങ്കരനായ ആലിയുടെ പ്രിയപ്പെട്ട അച്ഛന്.
ഏറ്റവും കരുതലുള്ള ജ്യേഷ്ഠൻ, സ്നേഹമുള്ള കൂട്ടുകാരൻ, സ്നേഹനിധിയായ മകൻ, എന്തിനും കൂട്ടുനില്ക്കുന്ന ക്രൈം പാര്ട്നറിന്, ജീവിതമെന്ന സാഹസത്തില് കൈ കോര്ത്ത് നടക്കുന്ന ഓരോ നിമിഷവും ഞാന് നിന്നെ സ്നേഹിക്കുന്നു. ഐ ലവ് യൂ,' എന്നാണ് സുപ്രിയ താരത്തിന് ആശംസകള് നേരുന്നത്.
https://www.facebook.com/Malayalivartha