അഭിനയം കൊണ്ടും വ്യക്തി ജീവിതം കൊണ്ടും മലയാളികളുടെ പ്രീതി നേടിയ താരമാണ് അനുശ്രീ. സോഷ്യല്‍ മീഡിയയില്‍ വലിയ ചര്‍ച്ചയായിരുന്നു അനുശ്രീയുടെ പ്രണയവും വിവാഹവും കുടുംബ ജീവിതവും. തനിക്ക് കുഞ്ഞ് പിറന്നതിന്റെ സന്തോഷത്തിലാണ് താരം ഇപ്പോൾ. ഗര്‍ഭിണിയായതോടെ സീരിയലില്‍ നിന്നും ഇടവേളയെടുത്തിരിക്കുകയാണ് താരം. ഇപ്പോൾ ഗർഭ കാലത്തേ കുറിച്ച് താരം തുറന്ന് പറഞ്ഞിരിക്കുകയാണ്.

ഗര്‍ഭിണിയായി കുറച്ച് നാളുകള്‍ ഭയങ്കര ബുദ്ധിമുട്ടുകളായിരുന്നു. ഏകദേശം നാല് മാസം വരെ ഭയങ്കര ബുദ്ധിമുട്ടുകളായിരുന്നു. ഭക്ഷണമൊന്നും ശരിയായി കഴിക്കാന്‍ സാധിച്ചിട്ടില്ല. എപ്പോഴും ഓക്കാനവും ഛര്‍ദ്ദിലുമൊക്കെയായിരുന്നു. പിന്നെ തന്റെ വീട്ടിലേയ്ക്ക് പോകുകയായിരുന്നു. വീട്ടില്‍ വെജിറ്റേറിയനാണ്. ഇവിടെ വിഷ്ണുവേട്ടന്റെ വീട്ടില്‍ നോണ്‍വെജാണ് ഉപയോഗിക്കുക. ആ സമയത്ത് എനിക്ക് അതൊക്കെ വല്ലാത്ത ബുദ്ധിമുട്ടായി തോന്നി. ഭക്ഷണത്തിന്റ മണം പിടിക്കാറില്ലാത്ത അവസ്ഥ ഒരുപാട് ബുദ്ധിമുട്ടാണ് ഉണ്ടാക്കിയത്.

നാല് മാസത്തിന് ശേഷം ഈ ബുദ്ധിമുട്ടുകളൊന്നും തോന്നിയിട്ടേയില്ല. പിന്നെ ആവശ്യത്തിനനുസരിച്ച് ഭക്ഷണം കഴിക്കാനൊക്കെ തുടങ്ങി. പലരു പറഞ്ഞ് കേട്ടിട്ടുണ്ട് മാങ്ങ, മസാലദോശ ഇതൊക്കെ കഴിക്കുന്നതിനെക്കുറിച്ച്. എന്നാല്‍ ഞാന്‍ ഗര്‍ഭിണിയായി ഇതുവരെ മസാലദോശ ഒന്നും കഴിച്ചിട്ടില്ല. എനിക്ക് തീരെ താല്‍പ്പര്യം തോന്നിയിട്ടില്ല. അതുപോലെ ആദ്യമൊക്കെ പുളി കഴിക്കാന്‍ തോന്നിയിരുന്നു. അത് പക്ഷേ മാങ്ങ തന്നെ വേണമെന്നില്ലായിരുന്നു. എന്തെങ്കിലും പുളി കിട്ടിയാല്‍ മതിയായിരുന്നു.

സീരിയലുകള്‍ ചെയ്യുമ്പോള്‍ ഇപ്പൊ ഞാന്‍ കുറച്ചുകൂടി കംഫര്‍ട്ടബിളാണ്. സിനിമകള്‍ വളരെ കുറച്ച് മാത്രമാണ് ചെയ്യുന്നത്. സീരിയലുകള്‍ക്കാണെങ്കില്‍ വളരെ പെട്ടെന്ന് തന്നെ ഷോട്ടുകളെല്ലാം റെഡിയാകും. സിനിമകള്‍ക്ക് കുറച്ചുകൂടി സമയം എടുക്കുന്ന പ്രോസസാണ്. ആളുകള്‍ പറയുന്നത് കേള്‍ക്കാം സിനിമയും സീരിയലും രണ്ടുതരം മെത്തേഡ് ഓഫ് ആക്ടിംഗാണെന്ന്. എന്നാല്‍ അങ്ങനെയല്ല. ഈ വ്യത്യാസം തോന്നുന്നത് സംവിധായകന്മാരിലാണ്.

അവര്‍ ആ സിനിമയെ എങ്ങനെ കാണിക്കാനാണോ ആഗ്രഹിക്കുന്നത് അതനുസരിച്ചാണ് ഓരോ കാര്യങ്ങളും മുന്നോട്ട് പോകുന്നത്. അദ്ദേഹത്തിന് ഒരുപക്ഷേ എക്‌സ്‌പ്രെഷനുകള്‍ കൂടുതല്‍ വേണമായിരിക്കാം. ചിലര്‍ക്ക് ഇത് വളരെ കുറച്ച് മതി. അതുകൊണ്ട് തന്നെ അവര്‍ക്ക് വേണ്ടത് ചെയ്തു കൊടുക്കുക മാത്രമാണ് ചെയ്യേണ്ടത്. എനിക്കങ്ങനെ വലിയ ബുദ്ധിമുട്ടൊന്നും തോന്നിയിട്ടില്ല. ചെറുപ്പം മുതല്‍ അങ്ങനെ ചെയ്തതുകൊണ്ടായിരിക്കും ഞാന്‍ കംഫര്‍ട്ടബിളായത് അനുശ്രീ പറയുന്നു .

ഇപ്പോള്‍ എന്ത് പറഞ്ഞാലും സോഷ്യല്‍ മീഡിയയില്‍ മോശം കമന്റുകളും അഭിപ്രായങ്ങളും വരും. അത് അങ്ങനെയാണ്. അത്‌പോലെ തന്നെ സപ്പോര്‍ട്ട് ചെയ്യുന്നവരും നല്ല അഭിപ്രായം പറയുന്നവരും ഉണ്ട്.  ഇപ്പൊ ഞാന്‍ നല്ലത് പറഞ്ഞാലും അതില്‍ മോശം കണ്ടെത്താനാഗ്രഹിക്കുന്നവരുണ്ട്. പറയുന്ന ഓരോ കാര്യത്തിലും ഇങ്ങനെ നോക്കിയിരിക്കുന്ന ആളുകളുണ്ട്. ഒരു ഇന്റര്‍വ്യൂവില്‍ അമ്മയെ മിസ് ചെയ്യുന്നുണ്ടോ എന്ന് എന്നോട് ചോദിച്ചു. ഞാന്‍ പറഞ്ഞത് ഇല്ല എന്നാണ്.

കാരണം എനിക്ക് അമ്മയെ അന്ന് മിസ് ചെയ്യുന്നുണ്ടായിരുന്നില്ല. അതാണ് അങ്ങനെ പറയാന്‍ കാരണം. അമ്മയോട് സ്‌നേഹമുണ്ടോ എന്നാണ് ചോദിച്ചിരുന്നതെങ്കില്‍ ഞാന്‍ ഉറപ്പായും പറയും സ്‌നേഹമാണെന്ന്. നമ്മള്‍ പറയുന്നത് മുഴുവനായും ഒന്നും ആരും കേള്‍ക്കുന്നില്ല, അവര്‍ക്ക് താല്‍പ്പര്യമുള്ളത് മാത്രം കേട്ട് വെറുതെ വിവാദങ്ങള്‍ ഉണ്ടാക്കുകയാണ്. അന്ന് ഞാന്‍ മറുപടി പറഞ്ഞത് വളരെ സത്യസന്ധമായാണിരുന്നത്. എനിക്ക് കള്ളം പറയേണ്ട ആവശ്യമില്ലെന്നും താരം പറയുന്നു.