ഐ.പി.എല്‍ ടീമുകളുടെ എണ്ണം 10 ആക്കി ഉയര്‍ത്താന്‍ ബി.സി.സി.ഐ തീരുമാനം. നിലവില്‍ എട്ട്​ ടീമുകളാണ്​ ​ഐ.പി.എല്ലില്‍ കളിക്കുന്നത്​. 2022 മുതലാവും തീരുമാനം നടപ്പിലാവുക. ബി.സി.സി.ഐ വാര്‍ഷിക യോഗത്തിലാണ്​ ഇക്കാര്യത്തില്‍ ധാരണയായത്​. എന്നാല്‍, പുതുതായി ഏത്​ ടീമുകളാവുംഎത്തുകയെന്ന്​ ബി.സി.സി.ഐ വ്യക്​തമാക്കിയിട്ടില്ല.

2028 ലോസ്​ എയ്​ഞ്ചലസ്​ ഒളിംപിക്​സില്‍ ക്രിക്കറ്റ്​ മത്സര ഇനമാക്കണമെന്ന സമ്മര്‍ദം ശക്​തമാക്കാന്‍ ഐ.സി.സിയോട്​ ആവശ്യപ്പെടാനും യോഗത്തില്‍ തീരുമാനമായിട്ടുണ്ട്​. കോവിഡ്​ മൂലം പ്രതിസന്ധിയിലായ ആഭ്യന്തര ക്രിക്കറ്റ്​ താരങ്ങള്‍ക്ക്​ അര്‍ഹമായ പ്രതിഫലം നല്‍കുമെന്നും ബി.സി.സി.ഐ അറിയിച്ചു.

കോണ്‍ഗ്രസ്​ നേതാവ്​ രാജീവ്​ ശുക്ലയെ ബി.സി.സി.ഐ ​െവെസ്​ പ്രസിഡന്‍റാക്കാനും ബി.സി.സി.ഐ തീരുമാനിച്ചു. ഉത്തരാഖണ്ഡില്‍ നിന്നുള്ള മഹിം വര്‍മ്മ വിരമിക്കുന്ന ഒഴിവിലേക്കാണ്​ നിയമനം.