ഇന്ത്യ-ന്യൂസിലന്‍ഡ് ടെസ്റ്റ് പരമ്ബരയിലെ ആദ്യ മത്സരത്തിലെ ആദ്യ ദിനം അവസാനിക്കുമ്ബോള്‍ ഇന്ത്യ നാലിന് 258 റണ്‍സ് എന്ന നിലയില്‍.93 പന്തില്‍ 5 ഫോറും 1 സിക്സുമടക്കം 52 റണ്‍സ് നേടിയ ഓപ്പണര്‍ ശുഭ്മാന്‍ ഗില്‍ മികച്ച തുടക്കമാണ് ഇന്ത്യക്ക് സമ്മാനിച്ചത്. 29ആം ഓവറിലെ അവസാന പന്തില്‍ സ്‌കോര്‍ 82ല്‍ നില്‍ക്കെയാണ് ഗില്‍ പുറത്തായത്. മായങ്ക് അഗര്‍വാളിന് സ്‌കോര്‍ ബോര്‍ഡിന് കാര്യമായ പിന്തുണ നല്കാന്‍ കഴിഞ്ഞില്ല. 28 പന്തില്‍ 13 റണ്‍സുമായി മായങ്ക് പുറത്തായി.

88 പന്തില്‍ 26 റണ്‍സ് നേടിയ ചേതേശ്വര്‍ പുജാരയെ ടിം സൗത്തീയാണ് പുറത്താക്കിയത്. പൂജാര പുറത്താകുമ്ബോള്‍ സ്‌കോര്‍ 106ന് 3. തൊട്ടുപിന്നാലെ 49.2 ഓവറില്‍ 63 പന്തില്‍ 35 റണ്‍സെടുത്ത അജിന്‍ക്യ രഹാനയെ ജാമിസന്‍ പുറത്താക്കി. 136 പന്തില്‍ 7 ഫോറും 2 സിക്സുമടക്കം 75 റണ്‍സ് നേടിയ ശ്രേയസ് അയ്യറും, 100 പന്തില്‍ 6 ബൗണ്ടറിയടക്കം 50 റണ്‍സ് നേടിയ രവീന്ദ്ര ജഡേജയും ക്രീസില്‍ നിലയുറപ്പിച്ചിരിക്കുകയാണ്. ബൗളിങ്ങില്‍ കിവീസിനായി ടിം സൗത്തീ 1 വിക്കറ്റും, കെയ്ല്‍ ജാമിസന്‍ 3 വിക്കറ്റും നേടി.