ജൂനിയര് ലോകകപ്പ് ഹോക്കി; കരുത്തരായ ബെല്ജിയത്തെ തകർത്ത് ഇന്ത്യ സെമിയില് കടന്നു
ജൂനിയര് ലോകകപ്പ് ഹോക്കിയില് ആതിഥേയരായ ഇന്ത്യ സെമിയില് കടന്നു. ക്വാര്ട്ടര് ഫൈനലില് കരുത്തരായ ബെല്ജിയത്തെയാണ് ഇന്ത്യന് യുവനിര തറപറ്റിച്ചത്. വാശിയേറിയ പോരാട്ടത്തില് ശര്ദ്ദ നന്ദ തിവാരി നേടിയ ഒരേയൊരു ഗോളിന്റെ ബലത്തിലാണ് ഇന്ത്യ ക്വാര്ട്ടര് കടമ്ബ മറികടന്നത്.
21ാം മിനിട്ടിലാണ് പെനാല്ട്ടി കോര്ണറിലൂടെ തിവാരി ഇന്ത്യക്ക് ലീഡ് നേടികൊടുത്തത്. അതിനു ശേഷം ബെല്ജിയം തുടര്ച്ചയായി ഇന്ത്യന് ഗോള്പോസ്റ്റ് ലക്ഷ്യമാക്കി ആക്രമണം നടത്തിയെങ്കിലും പ്രതിരോധ നിര പതറാതെ ഉറച്ചു നിന്നു. മത്സരം അവസാനിക്കാന് മിനിട്ടുകള് ശേഷിക്കേ ബെല്ജിയത്തിന് ഒന്നിനുപിറകേ ഒന്നായി നിരവധി പെനാല്ട്ടി കൊര്ണറുകള് ലഭിച്ചെങ്കിലും ഒന്ന് പോലും ഗോളാക്കാന് അവര്ക്ക് സാധിച്ചില്ല.
ജര്മനിയാണ് സെമിയില് ഇന്ത്യയുടെ എതിരാളികള്. ഇന്ന് നടന്ന മറ്റൊരു ക്വാര്ട്ടറില് സ്പെയിനിനെ 3-1ന് പെനാല്ട്ടിയിലൂടെ മറികടന്നാണ് ജര്മനി സെമിയില് എത്തിയത്. നിശ്ചിത സമയത്ത് ഇരു ടീമുകളും രണ്ട് ഗോളുകള് വീതം നേടി സമനിലയിലായിരുന്നു.
https://www.facebook.com/Malayalivartha