ന്യൂസീലന്ഡിനെതിരായ രണ്ടാം ക്രിക്കറ്റ് ടെസ്റ്റിന്റെ രണ്ടാം ഇന്നിങ്സിലും മികച്ച ബാറ്റിങ് പുറത്തെടുത്ത് മായങ്ക് അഗര്വാള്
ന്യൂസീലന്ഡിനെതിരായ രണ്ടാം ക്രിക്കറ്റ് ടെസ്റ്റിന്റെ രണ്ടാം ഇന്നിങ്സിലും മികച്ച ബാറ്റിങ് പുറത്തെടുത്ത് മായങ്ക് അഗര്വാള്. മൂന്നാം ദിനം വിക്കറ്റ് നഷ്ടമില്ലാതെ 69 റണ്സെന്ന നിലയില് ബാറ്റിങ് തുടങ്ങിയ ഇന്ത്യയ്ക്കായി മായങ്ക് അര്ധ സെഞ്ചുറി നേടി.
മായങ്കും ചേതേശ്വര് പൂജാരയും ചേര്ന്ന ഓപ്പണിങ് കൂട്ടുകെട്ട് 100 റണ്സ് പിന്നിട്ടു. ഇന്ത്യയുടെ രണ്ടാം ഇന്നിങ്സ് ലീഡ് 350 റണ്സ് പിന്നിട്ടു.ഒന്നാം ഇന്നിങ്സില് 325 റണ്സെടുത്ത ഇന്ത്യ കിവീസിനെ വെറും 62 റണ്സിന് എറിഞ്ഞൊതുക്കിയിരുന്നു.
പിന്നാലെ ന്യൂസീലന്ഡിനെ ഫോളോഓണിന് വിടാതെ ഇന്ത്യ രണ്ടാം ഇന്നിങ്സില് ബാറ്റിങ്ങിനിറങ്ങുകയായിരുന്നു.
ഫീല്ഡിങ്ങിനിടെ പരിക്കേറ്റ ഓപ്പണര് ശുഭ്മാന് ഗില്ലിന് പകരമാണ് ഇന്ത്യയ്ക്കായി മായങ്ക് അഗര്വാളിനൊപ്പം ചേതേശ്വര് പൂജാര ഓപ്പണ് ചെയ്തത്. നേരത്തെ കിവീസ് സ്പിന്നര് അജാസ് പട്ടേല് 10 വിക്കറ്റുമായി തിളങ്ങിയ പിച്ചില് ഇന്ത്യന് സ്പിന്നര്മാരുടെയും തേരോട്ടമായിരുന്നു.
"
https://www.facebook.com/Malayalivartha