മൂന്നാം ട്വന്റി20യില്‍ ഇന്ത്യയെ വിറപ്പിച്ച് കീഴടങ്ങി ദക്ഷിണാഫ്രിക്ക.... ഇന്ത്യയുടെ ജയം 11 റണ്‍സിന്. ഇന്ത്യ കുറിച്ച 220 റണ്‍സ് വിജയലക്ഷ്യം പിന്തുടര്‍ന്ന പ്രോട്ടീസിന് 20 ഓവറില്‍ 208 റണ്‍സെടുക്കാനെ കഴിഞ്ഞുള്ളു. സ്‌കോര്‍ -ഇന്ത്യ 20 ഓവറില്‍ ആറു വിക്കറ്റിന് 219. ദക്ഷിണാഫ്രിക്ക -20 ഓവറില്‍ ഏഴു വിക്കറ്റിന് 208.

ജയത്തോടെ നാലു മത്സരങ്ങളടങ്ങിയ പരമ്പരയില്‍ ഇന്ത്യ 2-1ന് മുന്നിലെത്തി. അവസാന ഓവറുകളില്‍ മാര്‍കോ ജാന്‍സന്റെ വെടിക്കെട്ട് ബാറ്റിങ് ഒരുവേള ആതിഥേയര്‍ക്ക് വിജയപ്രതീക്ഷ നല്‍കുകയായിരുന്നു. റയാന്‍ റിക്കല്‍ടണ്‍ (15 പന്തില്‍ 20), റീസ ഹെന്‍ഡ്രിക്‌സ് (13 പന്തില്‍ 21), എയ്ഡന്‍ മാര്‍ക്രം (18 പന്തില്‍ 29), ട്രിസ്റ്റന്‍ സ്റ്റബ്‌സ് (12 പന്തില്‍ 12), ഡേവിഡ് മില്ലര്‍ (18 പന്തില്‍ 18) എന്നിവരാണ് പുറത്തായ മറ്റു താരങ്ങള്‍.

ഹാര്‍ദിക് എറിഞ്ഞ 19ാം ഓവറില്‍ മാര്‍കോ ജാന്‍സന്‍ രണ്ടു സിക്‌സും മൂന്നു ഫോറുമടക്കം 26 റണ്‍സാണ് അടിച്ചെടുത്തത്. ഇതോടെവിജയലക്ഷ്യം ആറു പന്തില്‍ 25 റണ്‍സായി. അര്‍ഷ്ദീപ് എറിഞ്ഞ 20ാം ഓവറില്‍ ജാന്‍സന്‍ എല്‍.ബി.ഡബ്ല്യുവില്‍ കുരുങ്ങിയതോടെ ദക്ഷിണാഫ്രിക്ക തോല്‍വി സമ്മതിക്കുകയായിരുന്നു.