ഓസ്ട്രേലിയയില്‍ നടക്കുന്ന എകദിന പരമ്പരയ്ക്കുള്ള ഇന്ത്യന്‍ വനിത ടീമിനെ പ്രഖ്യാപിച്ചു...മലയാളിതാരം മിന്നുമണി ടീമില്‍ ഇടംനേടി
ഓസ്ട്രേലിയയില്‍ നടക്കുന്ന എകദിന പരമ്പരയ്ക്കുള്ള ഇന്ത്യന്‍ വനിത ടീമിനെ പ്രഖ്യാപിച്ചു. ബാറ്റര്‍ ഷഫാലി വര്‍മയെ ഒഴിവാക്കി. പരമ്പരയില്‍ മൂന്ന് മത്സരങ്ങളാണ് ഉള്ളത്. പതിനാറംഗ ടീമിനെയാണ് ബിസിസിഐ പ്രഖ്യാപിച്ചത്. മലയാളിതാരം മിന്നുമണി ടീമില്‍ ഇടംനേടി.
പരിക്ക് മൂലം വിട്ടുനിന്ന പേസര്‍ ഹര്‍ലീന്‍ ഡിയോള്‍ ടീമില്‍ തിരിച്ചെത്തി.മുന്‍ മത്സരങ്ങളിലെ മോശം പ്രകടനമാണ് ഷഫാലിയെ ടീമില്‍ നിന്ന് ഒഴിവാക്കാന്‍ കാരണമായത്.
ഈ വര്‍ഷം ആറ് മത്സരങ്ങളില്‍ നിന്നായി താരം നേടിയത് 108 റണ്‍സ് മാത്രം. 33 റണ്‍സായിരുന്നു ഉയര്‍ന്ന സ്‌കോര്‍. ഹര്‍മന്‍ പ്രീത് ടീമിനെ നയിക്കുമ്പോള്‍ സ്മൃതി മന്ദാനയാണ് വൈസ് ക്യാപ്റ്റന്‍. യാസ്തിക ഭാട്ടിയയും റിച്ച ഘോഷുമാണ് വിക്കറ്റ് കീപ്പര്‍മാര്‍. ന്യൂസിലന്‍ഡിനെതിരെ മികച്ച പ്രകടനം പുറത്തെടുത്ത തേജല്‍ ഹസബ്നിസും സൈമ ഠാക്കൂറും ടീമില്‍ ഇടംനേടി. ആദ്യ ഏകദിനം ഡിസംബര്‍ അഞ്ചിന് ബ്രിസ്ബെയ്നിലും രണ്ടാം ഏകദിനം ഡിസംബര്‍ എട്ടിനും അവസാനമത്സരം ഡിസംബര്‍ പതിനൊന്നിന് പെര്‍ത്തിലും നടക്കും.
"
https://www.facebook.com/Malayalivartha
