ഇന്ത്യ-ഓസ്ട്രേലിയ ബോര്ഡര് ഗവാസ്കര് ട്രോഫി ടെസ്റ്റ് പരമ്പരക്ക് ഇന്ന് പെര്ത്തില് തുടക്കം...
ഇന്ത്യ-ഓസ്ട്രേലിയ ബോര്ഡര് ഗവാസ്കര് ട്രോഫി ടെസ്റ്റ് പരമ്പരക്ക് ഇന്ന് പെര്ത്തില് തുടക്കം. ഇന്ത്യന് സമയം രാവിലെ 7.50ന് മത്സരം ആരംഭിക്കും.
അഞ്ച് മത്സരങ്ങളടങ്ങുന്നതാണ് പരമ്പര. ന്യൂസിലന്ഡിനെതിരെ നാട്ടില് സമ്പൂര്ണ തോല്വി വഴങ്ങിയ ഇന്ത്യയ്ക്ക് അഭിമാന പോരാട്ടമായിരിക്കും ഓസ്ട്രേലിയയില് നടക്കുക. സമ്പൂര്ണ ആധിപത്യത്തോടെ ലോക ടെസ്റ്റ് ചാംപ്യന്ഷിപ്പ് ഫൈനലും ഇന്ത്യ ലക്ഷ്യമിടുന്നുണ്ട്. രോഹിത് ശര്മയുടെ അഭാവത്തില് ജസ്പ്രിത് ബുമ്രയാണ് പെര്ത്തില് ഇന്ത്യയെ നയിക്കുന്നത്. പേസര്മാരെ സഹായിക്കുന്ന പിച്ചായതിനാല് ഹര്ഷിത് റാണ അരങ്ങേറ്റം കുറിച്ചേക്കും. ക്രിക്കറ്റിന്റെ ക്ലാസിക് ഫോര്മാറ്റില് ആരാകും ജേതാക്കളാവുകയെന്ന് കാത്തിരിക്കുകയാണ് ആരാധകര്
ആഷസ് പോരട്ടത്തേക്കാളും ആവേശമുണ്ടാക്കുന്നതാണ് ബോര്ഡര്-ഗവാസ്കര് ട്രോഫിയെന്ന് ആരാധകര്. ഓപ്പണര് ശുഭ്മന് ഗില്ലിന്റെ പരിക്കാണ് ഇന്ത്യയെ അലട്ടുന്നത്.
ഗില് കളിക്കുമോ എന്ന കാര്യം രാവിലെ മാത്രമേ വ്യക്തമാകൂകയുള്ളൂ. ഗില് കളിച്ചില്ലെങ്കില് ജയ്സ്വാളിനൊപ്പം കെ എല് രാഹുലെത്തും. മൂന്നാം നമ്പറില് യുവതാരം ദേവ്ദത്ത് പടിക്കലും പിന്നാലെ വിരാട് കോലിയും. രോഹിത് ശര്മയുടെ അഭാവത്തില് കോലിക്കും റിഷഭ് പന്തിനും ഉത്തരവാദിത്തം കൂടുതലാണ്. പേസിനെ തുണയ്ക്കുന്ന പെര്ത്തിലെ പിച്ചില് ക്യാപ്റ്റന് ബുംറയ്ക്കൊപ്പം മുഹമ്മദ് സിറാജ് തന്നെ ബോളിങ്ങ് ഓപ്പണ് ചെയ്യുന്നതാണ്.
https://www.facebook.com/Malayalivartha
