ഇന്ത്യ ഓസ്ട്രേലിയയെ അഞ്ച് മത്സരങ്ങളുള്ള പരമ്പരയിലെ ആദ്യ ടെസ്റ്റില്‍ 295 റണ്‍സിന് തോല്‍പിച്ചു. ജസ്പ്രീത് ബുംറയുടെ നേതൃത്വത്തിലുള്ള ഇന്ത്യ ഓസ്ട്രേലിയയെ തകര്‍ത്ത് പരമ്പരയില്‍ 1-0ന് മുന്നിലെത്തി. യശസ്വി ജയ്സ്വാളിന്റെയും വിരാട് കോഹ്ലിയുടെയും സെഞ്ചുറികളുടെയും ജസ്പ്രീത് ബുംറയുടെ തകര്‍പ്പന്‍ ബൗളിംഗിന്റെയും പിന്‍ബലത്തിലായിരുന്നു മിന്നും വിജയം.

യശസ്വി ജയ്സ്വാളിന്റെയും വിരാട് കോഹ്ലിയുടെയും സെഞ്ചുറികളുടെയും ജസ്പ്രീത് ബുംറയുടെ തകര്‍പ്പന്‍ ബൗളിംഗിന്റെയും പിന്‍ബലത്തില്‍ ഇന്ത്യ ഓസ്ട്രേലിയയെ അഞ്ച് മത്സരങ്ങളുള്ള പരമ്പരയിലെ ആദ്യ ടെസ്റ്റില്‍ 295 റണ്‍സിന് തോല്‍പിച്ചു. 534 റണ്‍സ് പിന്തുടര്‍ന്ന ഓസ്ട്രേലിയക്ക് കൃത്യമായ ഇടവേളകളില്‍ വിക്കറ്റുകള്‍ നഷ്ടമായിക്കൊണ്ടിരുന്നു. 238ന് ഇന്ത്യ ഓസ്ട്രേലിയയെ പുറത്താക്കി.

ഇന്ത്യക്കായി മുഹമ്മദ് സിറാജ്, ജസ്പ്രീത് ബുംറ എന്നിവര്‍ മൂന്ന് വിക്കറ്റ് വീതവും വാഷിംഗ്ടണ്‍ സുന്ദറും ഹര്‍ഷിത് റാണയും രണ്ട് വിക്കറ്റും വീഴ്ത്തി. ഓസ്ട്രേലിയക്ക് വേണ്ടി 89 റണ്‍സെടുത്ത ട്രാവിസ് ഹെഡ് ആണ് താരം. മിച്ചല്‍ മാര്‍ഷ് 47 റണ്‍സെടുത്തപ്പോള്‍ അലക്സ് കേരി 36 റണ്‍സെടുത്തു. നേരത്തെ ജയ്സ്വാള്‍ 161 റണ്‍സെടുത്തപ്പോള്‍ കോഹ്ലി തന്റെ അവിസ്മരണീയമായ 30-ാം ടെസ്റ്റ് സെഞ്ച്വറി ഉയര്‍ത്തി.