ശക്തമായ തിരിച്ചുവരവിനൊരുങ്ങി ... ഇന്ത്യ- ഓസ്ട്രേലിയ രണ്ടാം ഏകദിനം ഇന്ന്...
ഇന്ത്യ- ഓസ്ട്രേലിയ രണ്ടാം ഏകദിനം ഇന്ന്. മൂന്ന് മത്സരങ്ങളുടെ പരമ്പരയില് ഇന്ത്യ 1-0ന് പിന്നിലാണ്. പെര്ത്തില് നടന്ന ആദ്യ ഏകദിനത്തില് ഏഴ് വിക്കറ്റിനാണ് ഇന്ത്യ പരാജയപ്പെട്ടുപോയത്.
രണ്ടാം ഏകദിനത്തില് വിജയിച്ച് പരമ്പരയില് ശക്തമായ തിരിച്ചുവരവിനാണ് ഇന്ത്യ ഒരുങ്ങുന്നത്. മറിച്ച് രണ്ടാം ഏകദിനത്തിലും തോറ്റാല് ഇന്ത്യയ്ക്ക് പരമ്പര നഷ്ടമാകും.
ദീര്ഘനാളുകള്ക്ക് ശേഷം ഇന്ത്യന് ജേഴ്സിയിലേക്ക് തിരിച്ചെത്തിയ വിരാട് കോഹ് ലിയും രോഹിത് ശര്മയും ആദ്യ ഏകദിനത്തില് നിരാശപ്പെടുത്തിയിരുന്നു. രണ്ടാം ഏകദിനത്തില് ഫോമിലേക്ക് ഉയരുന്നതിന് കടുത്ത പരിശീലനത്തിലാണ് ഇരു താരങ്ങളും. ഏകദിന ക്യാപ്റ്റനായി അരങ്ങേറിയ ശുഭ്മാന് ഗില്ലിനും ആദ്യ മത്സരത്തില് തിളങ്ങാന് കഴിഞ്ഞില്ല. രണ്ടാം ഏകദിനത്തില് ശക്തമായി തിരിച്ചുവരാന് കഴിയുമെന്ന പ്രതീക്ഷയിലാണ് ക്യാപ്റ്റന്.
അതേ സമയം കാലാവസ്ഥ നോക്കുകയാണെങ്കില് അഡ്ലെയ്ഡില് ഈ ആഴ്ച്ച മുഴുവന് ഇടവിട്ട് മഴയെത്തിയിരുന്നു. എങ്കിലും റിപ്പോര്ട്ടുകള് പ്രകാരം ഇന്നത്തെ മത്സരത്തിന് വലിയ ആശങ്കയ്ക്ക് വകയില്ല.
https://www.facebook.com/Malayalivartha
