ഇന്ത്യ-ഓസ്ട്രേലിയ.... മൂന്നാം ഏകദിന പോരാട്ടം ഇന്ന് സിഡ്നിയിൽ
പ്രതീക്ഷയോടെ ആരാധകർ.... മൂന്നാം ഏകദിന പോരാട്ടം ഇന്ന് സിഡ്നിയില്, പരമ്പരയില് രണ്ട് മത്സരങ്ങളിലും അവസരം ലഭിക്കാതിരുന്ന കുല്ദീപ് യാദവ് ഇലവനില് ഉള്പ്പെട്ടേക്കും.
ആശ്വാസ ജയം തേടി ഇന്ത്യ... ഇന്ത്യയും ഓസ്ട്രേലിയയും തമ്മിലുള്ള മൂന്നാം ഏകദിന പോരാട്ടം ഇന്ന് സിഡ്നിയില്. ആദ്യ രണ്ട് മത്സരങ്ങളിലും പരാജയപ്പെട്ട് പരമ്പര അടിയറവ് വച്ച ഇന്ത്യ ആശ്വാസ ജയം തേടിയാണ് ഇറങ്ങുന്നത്.
ഓപ്പണറും മുന് നായകനുമായ രോഹിത് ശര്മ കഴിഞ്ഞ മത്സരത്തില് ടീമിന്റെ ടോപ് സ്കോററായി ഫോമിലേക്ക് തിരിച്ചെത്തിയിരുന്നു.എന്നാൽ തുടരെ രണ്ട് മത്സരങ്ങളിലും പൂജ്യത്തിനു പുറത്തായ സൂപ്പര് ബാറ്റര് വിരാട് കോഹ്ലി മൂന്നാം പോരാട്ടത്തില് മികവിലേക്കെത്തുമെന്ന പ്രതീക്ഷയിലാണ് ആരാധകരുള്ളത്.
ഇന്ത്യന് സമയം രാവിലെ 9 മണി മുതലാണ് മത്സരം ആരംഭിക്കുക.
പരമ്പര കൈവിട്ടതിനാല് തന്നെ ഇന്ന് ഇന്ത്യന് ടീമില് മാറ്റങ്ങളുണ്ടായേക്കാം. 5 മത്സരങ്ങളടങ്ങിയ ടി20 പരമ്പര തുടങ്ങാനിരിക്കെ ക്യാപ്റ്റന് ശുഭ്മാന് ഗില്ലിനു വിശ്രമം അനുവദിക്കാനുള്ള സാധ്യതയേറെയാണ്. അങ്ങനെ സംഭവിച്ചാല് ശ്രേയസ് അയ്യരായിരിക്കും ടീമിനെ നയിക്കുക. ഗില്ലിനു പകരം ഓപ്പണറായി യശസ്വി ജയ്സ്വാളിനേയും കളിപ്പിച്ചേക്കും. പരമ്പരയില് രണ്ട് മത്സരങ്ങളിലും അവസരം ലഭിക്കാതിരുന്ന കുല്ദീപ് യാദവ് ഇലവനില് ഉള്പ്പെട്ടേക്കും. പേസര് പ്രസിദ്ധ് കൃഷ്ണയാണ് അവസരം ലഭിക്കാന് സാധ്യതയുള്ള മറ്റൊരു താരം.
മറുഭാഗത്ത് ഓസ്ട്രേലിയ പരമ്പര തൂത്തുവാരാനുള്ള ലക്ഷ്യത്തിലാണ്. വര്ക്ക് ലോഡ് ഉണ്ടെങ്കിലും പേസര്മാരായ മിച്ചല് സ്റ്റാര്ക്ക്, ജോഷ് ഹെയ്സല്വുഡ് എന്നിവര് മൂന്നാം പോരിലും ടീമില് തുടരുമെന്നാണ് പ്രതീക്ഷ.
"
https://www.facebook.com/Malayalivartha
