സന്തോഷ് ട്രോഫി ഫൈനലില്‍ തെലങ്കാന കേരള പോരാട്ടം സമനിലയോടെ തുടക്കം.ദക്ഷിണ മേഖല യോഗ്യതാ മത്സരത്തിലെ കേരളത്തിന്റെ ആദ്യ മത്സരമാണ് സമനിലയില്‍ കലാശിച്ചത്. കേരളം കിട്ടിയ അവസരങ്ങള്‍ ശരിയായ രീതിയില്‍ ഉപയോഗിക്കാതിരുന്നതിനാല്‍ ഒട്ടേറെ അവസരങ്ങള്‍ പാഴായി.

പത്തോളം ഗോളവസരങ്ങള്‍ തുറന്നെടുത്തെങ്കിലും കേരളത്തിന് ലക്ഷ്യം കാണാനായില്ല. സമനിലയോടെ ഇരു ടീമും ഓരോ പോയിന്റ് പങ്കു വച്ചു. ഇതോടെ അടുത്ത രണ്ടു മത്സരം കേരളത്തിനു നിര്‍ണായകമാണ്. യോഗ്യതാ റൗണ്ടില്‍ പുതുച്ചേരിയ്ക്കും സര്‍വീസസിനും എതിരെയാണ് കേരളത്തിന്റെ അടുത്ത മത്സരങ്ങള്‍. പുതുച്ചേരിയുമായി ബുധനാഴ്ചയാണ് കേരളത്തിന്റെ മത്സരം.