ചാമ്പ്യന്‍സ് ലീഗ് പ്രീക്വാര്‍ട്ടര്‍ രണ്ടാം പാദ മല്‍സരത്തില്‍ ബാഴ്‌സലോണക്ക് തകര്പ്പന് ജയം
ചാമ്പ്യന്‍സ് ലീഗ് പ്രീക്വാര്‍ട്ടര്‍ രണ്ടാം പാദ മല്‍സരത്തില്‍ ബാഴ്‌സലോണക്ക് തകര്പ്പന് ജയം. ഒന്നിനെതിരെ അഞ്ച് ഗോളുകള്‍ക്കാണ് ബാഴ്‌സ ക്വാര്‍ട്ടര്‍ ഫൈനല്‍ യോഗ്യത നേടിയത്. ഇരട്ട ഗോളുമായി ലയണല്‍ മെസി കളം നിറഞ്ഞ മല്‍സരത്തില്‍ ഒളിമ്പിക് ലിയോണിനെയാണ് ബാഴ്‌സ തകര്‍ത്തത്.
17ാം മിനിറ്റില്‍ ലഭിച്ച പെനാല്‍റ്റി കിക്ക് ഗോളാക്കി മാറ്റിയാണ് മെസി ബാഴ്‌സലോണയെ മുന്നിലെത്തിച്ചത്. 36ാം മിനിറ്റില്‍ കുട്ടീഞ്ഞോ നേടിയ ഗോളില്‍ ബാഴ്‌സ ലീഡ് ഉയര്‍ത്തി. 58ാം മിനിറ്റില്‍ ടുസാര്‍ട്ട് നേടിയ ഗോളില്‍ ഒളിമ്പിക് ലിയോണ്‍ ഗോള്‍ വ്യത്യാസം കുറച്ചെങ്കിലും ബാഴ്‌സ ശക്തമായ തിരിച്ചു വരവ് നടത്തി. 78ാം മിനിറ്റില്‍ മെസി നേടിയ രണ്ടാം ഗോള്‍ ഒന്നിനെതിരെ മൂന്നെന്ന ലീഡില്‍ എത്തിച്ചു.
81ാം മിനിറ്റില്‍ പിക്വെയും 86ാം മിനിറ്റില്‍ ഡെബലെയും നേടിയ ഗോളുകള്‍ അഞ്ച് ഗോളിന്റെ വമ്പന്‍ വിജയത്തിലേക്ക് ബാഴ്‌സയെ എത്തിച്ചു.
"
https://www.facebook.com/Malayalivartha
