ചിലിയെ തകര്‍ത്ത് പെറു കോപ്പ അമേരിക്ക ഫൈനലില്‍
04 JULY 2019 10:24 AM IST
മലയാളി വാര്‍ത്ത
ചിലിയെ തകര്‍ത്ത് പെറു കോപ്പ അമേരിക്ക ഫൈനലില്‍. രണ്ടാം സെമിയില്‍ എതിരില്ലാത്ത മൂന്നു ഗോളുകള്‍ക്കായിരുന്നു പെറുവിന്റെ ജയം. 21ാം മിനിറ്റില്‍ എഡിസണ്‍ ഫ്‌ളോറസും 38ാം മിനിറ്റില്‍ യോഷമിര്‍ യോടുനുമാണ് പെറുവിനായി ഗോളുകള്‍ നേടിയത്.
ഇഞ്ചുറി ടൈമില്‍ പൗലോ ഗുറിയേരോ മൂന്നാം ഗോള്‍ നേടി. കഴിഞ്ഞ രണ്ടുവട്ടവും കിരീടം നേടിയ ടീമാണ് ചിലി. 1975നുശേഷം ഇതാദ്യമായാണു പെറു ഫൈനലില്‍ എത്തുന്നത്. ഫൈനലില്‍ ബ്രസീലാണ് എതിരാളികള്‍. ചിരവൈരികളായ അര്‍ജന്റീനയെ എതിരില്ലാത്ത രണ്ടു ഗോളുകള്‍ക്കു തോല്‍പിച്ചാണു ബ്രസീല്‍ ഫൈനലില്‍ കടന്നത്. ഞായറാഴ്ച മാരക്കാന സ്‌റ്റേഡിയത്തിലാണ് ഫൈനല്‍.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
