ലാലിഗ പുതിയ സീസണ് ഇന്ന് തുടക്കം... ചാമ്പ്യന്മാരായ ബാഴ്‌സലോണയും അത്‌ലറ്റിക് ബില്‍ബാവോയും തമ്മിലുള്ള മത്സരത്തോടെയാണ് സീസണ് ആരംഭിക്കുക
ലാലിഗ പുതിയ സീസണ് ഇന്ന് തുടക്കമാകും. ഇന്ന് രാത്രി നടക്കുന്ന ചാമ്പ്യന്മാരായ ബാഴ്‌സലോണയും അത്‌ലറ്റിക് ബില്‍ബാവോയും തമ്മിലുള്ള മത്സരത്തോടെയാണ് സീസണ് ആരംഭിക്കുന്നത്. ഇന്ന് ഏക മത്സരം മാത്രമേ ഉള്ളൂ. ബില്‍ബാവോവില്‍ വെച്ച് നടക്കുന്ന മത്സരത്തില്‍ മെസ്സി ഇല്ലാതെ ആകും ബാഴ്‌സലോണ ഇറങ്ങുന്നത്. മെസ്സിയും അര്‍തറും വിദാലും ഇന്ന് ടീമില്‍ ഉണ്ടാകില്ല എന്ന് ക്ലബ് അറിയിച്ചിട്ടുണ്ട്.അവസാന രണ്ട് സീസണിലും ലാലിഗ കിരീടം നേടിയ ബാഴ്‌സലോണ ഹാട്രിക്ക് കിരീടം ആണ് ഈ സീസണില്‍ ലക്ഷ്യമിടുന്നത്.
പക്ഷെ ലാലിഗ ഇത്തവണയും ഇന്ത്യന്‍ പ്രേക്ഷകര്‍ക്ക് കാണാന്‍ എളുപ്പമാകില്ല. ടെലികാസ്റ്റ് അവകാശം ഫേസ് ബുക്കിന് ആയതിനാല്‍ തന്നെ ഇത്തവണ മത്സരങ്ങള്‍ ടിവി പ്രേക്ഷകര്‍ക്ക് കാണാന്‍ കഴിയില്ല. ലാലിഗയുടെ ഔദ്യോഗിക പേജ് വഴി മാത്രം ആകും മത്സരങ്ങള്‍ ഇന്ത്യയില്‍ ഇന്ന് സ്ട്രീം ചെയ്യുക. കഴിഞ്ഞ തവണ സോണി നെറ്റ്വെര്‍ക്ക് തിരഞ്ഞെടുത്ത മത്സരങ്ങള്‍ ടെലിക്കാസ്റ്റ് ചെയ്തിരുന്നു എങ്കില്‍ ഇത്തവണ അതും ഉണ്ടാവില്ല.
https://www.facebook.com/Malayalivartha
