സന്തോഷ് ട്രോഫി ദക്ഷിണ മേഖലാ യോഗ്യതാ റൗണ്ട് മത്സരങ്ങള്ക്കായുള്ള കേരള ടീമിനെ പ്രഖ്യാപിച്ചു... മിഥുന് സന്തോഷ് ട്രോഫി ടീമിനെ നയിക്കും
സന്തോഷ് ട്രോഫി ദക്ഷിണ മേഖലാ യോഗ്യതാ റൗണ്ട് മത്സരങ്ങള്ക്കായുള്ള കേരള ടീമിനെ പ്രഖ്യാപിച്ചു. 20 അംഗ ടീമിനെ ആണ് പരിശീലകന് ബിനോ ജോര്ജ് ഇന്ന് പ്രഖ്യാപിച്ചത്. ഗോള് കീപ്പറും കണ്ണൂര് സ്വദേശിയുമായ മിഥുന് സന്തോഷ് ട്രോഫി ടീമിനെ നയിക്കും. ഇന്ന് എറണാകുളം മാരിയോറ്റ് ഹോട്ടലില് വെച്ച് നടന്ന ചടങ്ങിലാണ് ടീം പ്രഖ്യാപനം നടന്നത്. ഒരു യുവനിരയെ തന്നെയാണ് ബിനോ ജോര്ജ്ജ് ടൂര്ണമെന്റിനായി തിരഞ്ഞെടുത്തിരിക്കുന്നത്. മുമ്പ് കേരളം സന്തോഷ് ട്രോഫി കിരീടം നേടിയപ്പോള് ടീമിലെ പ്രധാന താരനായിരുന്ന മിഥുന്റെ പരിചയസമ്ബത്ത് തന്നെയാണ് താരത്തെ ക്യാപ്റ്റനാക്കാന് കാരണം.
കേരള ബ്ലാസ്റ്റേഴ്സിന്റെ യുവ താരങ്ങള് ആയിരുന്ന ജിതിന് എം എസ്, ഋഷി ദത്ത് എന്നിവര് ടീമില് ഉണ്ട്. റോഷന് ജിജി, എമില്, അജിന് ടോം തുടങ്ങി കേരളത്തിന്റെ ഭാവി പ്രതീക്ഷകള് ഒക്കെ ടീമില് ഇടം പിടിച്ചു. നാസര്, അഭിഷേക്, രാഹുല്, സഫ്വാന്, വിഗ്നേശ്, അസ്ഹര് എന്നിവരാണ് സാധ്യതാ ടീമില് നിന്ന് അവസാന സ്ക്വാഡിലേക്ക് ഇടം പിടിക്കാത്തവര്. നവംബര് 5 മുതലാണ് യോഗ്യതാ മത്സരങ്ങള് ആരംഭിക്കുന്നത്.
https://www.facebook.com/Malayalivartha