കേരള ബ്ലാസ്റ്റേഴ്സിന്റെ ബ്രസീലുകാരന് ഡിഫന്ഡര് ജെയ്റോ ഒരു മലയാളം വാക്ക് പഠിച്ചു, 'അടിപൊളി'!
കേരള ബ്ലാസ്റ്റേഴ്സിന്റെ ബ്രസീലുകാരന് ഡിഫന്ഡര് ജെയ്റോ റോഡ്രിഗസ് കേരളത്തില്വന്നിട്ട് 2 മാസം തികയുന്നു. പഠിച്ചത് ഒരേയൊരു മലയാളം വാക്ക്. അടിപൊളി.
തേവര പാലക്കാപ്പിള്ളി കുടുംബാംഗം, ബ്രസീലിന്റെ മരുമകനായ കൊച്ചിക്കാരന് ആനന്ദജ്യോതി താന് സംവിധാനം ചെയ്ത 'ഉമ' എന്ന സിനിമ ബ്രസീലിലെ 28 നഗരങ്ങളില് റിലീസ് ചെയ്യുന്നത് ഉള്പ്പെടെയുള്ള വിശേഷങ്ങള് ജെയ്റോയുമായി പങ്കുവയ്ക്കാന് എത്തിയതായിരുന്നു.
രണ്ടു പേരും പോര്ചുഗീസ് ഭാഷയില് ചറുപിറാ സംസാരിച്ചുകൊണ്ടിരിക്കെ ജ്യോതിയാണു ചോദിച്ചത് മലയാള വാക്കുകള് വല്ലതും പഠിച്ചോയെന്ന്. ഇല്ലെന്നു ജെയ്റോ. പഠിപ്പിച്ചുതരുമോ? അങ്ങനെയാണ് അടിപൊളി എന്ന വാക്കിലേക്ക് എത്തിയത്.
അര്ഥം പോര്ചുഗീസില്ത്തന്നെ വിശദീകരിച്ചുകൊടുത്തതോടെ ജെയ്റോ അതു വാക്യത്തില് പ്രയോഗിച്ചു. ബ്ലാസ്റ്റേഴ്സ് ഫാന്സ് അടിപൊളി. കേരള അടിപൊളി. ഫസ്റ്റ് മാച്ച് അടിപൊളി. പിന്നീടു ടീം ക്യാംപായ മാരിയറ്റ് ഹോട്ടലിലെ ഭക്ഷണശാലയില് വിഭവങ്ങള് കണ്ടപ്പോള് ജെയ്റോ പറഞ്ഞു: അടിപൊളി.
ബ്രസീലില്നിന്നുള്ള പത്രപ്രവര്ത്തക കരീന ബിനിയെ 2 പതിറ്റാണ്ടു മുന്പു ജീവിതസഖിയാക്കിയ ആനന്ദജ്യോതി ഊരമനയിലാണു താമസം. മക്കള് 2 പേരും ബ്രസീലില് വിദ്യാര്ഥികളാണ്.
https://www.facebook.com/Malayalivartha
