കേരള ബ്ലാസ്റ്റേഴ്സിനെ പിരിച്ച് വിടണമെന്ന ആവശ്യവുമായി ഐ എം വിജയന്‍. രൂക്ഷമായ വിമര്‍ശനമാണ് നടത്തിയിരിക്കുന്നത്. ഇന്നലെ ഒഡീഷയ്ക്ക് എതിരെ നടന്ന മത്സരം തീർത്തും നിരാശ ജനകമായിരുന്നുവെന്ന് ഐ എം വിജയന്‍ പറഞ്ഞു. ഒഡീഷ സമനിലയ്ക്ക് വേണ്ടി ആയിരുന്നു ഇന്നലെ കളിച്ചത്. കേരള ബ്ലാസ്റ്റേഴ്സിന് എങ്കിലും വിജയത്തിനു വേണ്ടി ശ്രമിക്കാമായിരുന്നുവെന്നും വിജയന്‍ പ്രതിക്കരിച്ചു.

കേരള ബ്ലാസ്റ്റേഴ്സ് അടച്ചു പൂട്ടുന്നതായിരിക്കും നല്ലത് എന്നും അദ്ദേഹം സൂചിപ്പിക്കുകയുണ്ടായി. കേരളത്തിന്റെ സന്തോഷ് ട്രോഫി ടീം ഇതിലും നന്നായി കളിക്കും. മുഹമ്മദ് റാഫിയെ സബ്ബായി ഇറക്കി വീണ്ടും പിന്‍വലിച്ച്‌ അപമാനിച്ചത് ശരിയായില്ല. അങ്ങനെ ഒഗ്ബെചെയെ ഇറക്കാന്‍ ആയിരുന്നു എങ്കില്‍ ആദ്യമെ ഇറക്കിക്കൂടെ എന്നിങ്ങനെ നിരവധി ആരോപണങ്ങൾ ഐ എം വിജയന്‍ ഉയർത്തി.