സ്പാനിഷ് ലീഗില് കീരീടം ചൂടി റയല് മാഡ്രിഡ്.... വിയ്യാറയലിനെ ഒന്നിനെതിരെ രണ്ട് ഗോളുകള്ക്കാണ് റയല് തകര്ത്തത്
സ്പാനിഷ് ലീഗില് കീരീടം ചൂടി റയല് മാഡ്രിഡ്. വിയ്യാറയലിനെ ഒന്നിനെതിരെ രണ്ട് ഗോളുകള്ക്കാണ് റയല് തകര്ത്തത്. റയലിന്റെ രണ്ട് ഗോളുകളും ഫ്രഞ്ച് സ്ട്രൈക്കര് കരിം ബെന്സേമയാണ് നേടിയത്. ആദ്യ പകുതിയിലായിരുന്നു ബെന്സേമയുടെ ആദ്യ ഗോള്.
രണ്ടാം ഗോള് വിവാദച്ചുവയുള്ളതായിരുന്നു. സെര്ജിയോ റാമോസിനെ ബോക്സില് ഫൗള് ചെയ്തു വീഴ്ത്തിയതിനു ലഭിച്ച പെനാല്റ്റിയാണ് ബെന്സേമ ഗോളാക്കിയത്. എന്നാല് രണ്ടാം അവസരത്തിലായിരുന്നു ബെന്സേമയുടെ ഗോള് അനുവദിച്ചത്. ആദ്യ പെനാല്റ്റി കിക്ക് എടുത്തത് റാമോസായിരുന്നു. കിക്ക് എടുക്കാനെത്തിയ റാമോസ പന്ത് മെല്ലെ തട്ടി ബെന്സേമയ്ക്കു നല്കി. ഓടിയെത്തിയ ബെന്സേമയുടെ ഷോട്ട് വലയില്. എന്നാല് റഫറി ഗോള് അനുവദിച്ചില്ല.
റയലിന് വീണ്ടും പെനാല്റ്റിയെടുക്കാന് അവസരവും നല്കി.സിനദിന് സിദാന് പരിശീലകനായി തിരിച്ചെത്തിയ ശേഷമുള്ള ആദ്യ ലാ ലിഗ കിരീടമാണ് റയല് സ്വന്തമാക്കുന്നത്.മാഡ്രിഡുകാര് കിരീട നേട്ടം ആഘോഷിക്കുമ്ബോള് ബാഴ്സ കണ്ണീര് കയത്തിലായിരുന്നു.
"
https://www.facebook.com/Malayalivartha